Dzindzimo 55:5 - Bhibhiliya Nya Guage

⁵ Nyi modwe khu hwanga ni gundrendremela, nyi fenengedzidwe khu gidema nya guthise.

Dzindzimo 55:5 Iomraidhean Croise

2 Samuweli 15:14

Dhavhidhe a di embela vathu vaye vatshavbo a nga bani nari navo Jerusalema, khuye: “Hongoleni hi thava khu guvbiredza, kholu mwalo a na gu vbulugago ga Abhisalamo! Hongoleni hi thave, gasi a si hi mani khu githugedza, hi thegedwa khu libango, gu sasedwa lidhoropa khu matshari.”

Joba 21:6

Kholu nya gu alakanya esi, nya gu vbela tshivba, mili wangu watshavbo wu ndrendremela.

Joba 6:4

Kholu nyi payidwe khu sighalala sa mune nya Tshivba Yatshavbo, wuhungu wawe wu ngu phalalega ni mili wangu watshavbo. Nungungulu somide gu nyi thusedzela.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 18:6

Wuvini gwangu, nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

Dzindzimo 42:6

Hefemulo wangu nya gu wupwa na wu gu vbisega ndrani gwangu; khu guralo, nyi ngu gu dundruga, tigoni ga Joridhani ni gigomoni gya Herimoni ni gigomwanani gya Mizari.

Dzindzimo 61:2

Nyi ngu gu rana khu mahegiso nya litigo, kholu monyo wangu wu ngu vbela tshivba, nyi yise giwindrini nya gukhugege ngudzu u nyi sayisela avbo.

Isaya 21:4

Monyo wangu wu ngu ghavata nyi ndrendremela khu guthava, wutshigu nyi nga wu vbwetago, wu vbindrugedzide avbo gwangu wu khala gilo nya guthise.

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]