Dzindzimo 53:2 - Bhibhiliya Nya Guage

² Khu ndzadzini, Nungungulu a gu khedza a wona vathu, khuye mwendro a na mana moyo a vbwetago Nungungulu.

Dzindzimo 53:2 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 19:3

Ambari khu guralo, u di thumide silo nya sadi, kholu u duside tigoni madingo nya vanungungulu nya sifananiso, u vbweta Pfhumu Nungungulu khu monyo wago watshavbo.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 102:19

Pfhumu Nungungulu khedzide vbavbatshi nari khu giluveloni gwaye nya guage, wonide litigo nari khu ndzadzini,

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Dhewuteronome 4:6

Khu guralo, si vegedzeni ni gu si landrisa, kholu esi a na bani ari wugengeli wanu ni gupima gwanu mahoni ga vathu avo va na pwago milayo yatshavbo yeyi, va na ganela, khavo: Khu lisine litigo leli nya likhongolo li na ni vathu nya guti ni wugengeli.