Dzindzimo 51:9 - Bhibhiliya Nya Guage

⁹ Siha khovbe yago u si woni sighoho sangu, u futa guvivba gwangu gwatshavbo.

Dzindzimo 51:9 Iomraidhean Croise

Joba 9:30

Ambari nya gu hamba khu mati nya thondrwane, nyi hamba mandza yangu ma aga khu sabawu,

Dzindzimo 51:1

Nyi pwele wusiwana, Nungungulu, khu lihaladzo lago; futa sighoho sangu, khu wuhindzi wago nya wukhongolo.

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 38:17

Gusaniseka gogu nyi gu manidego gu nyi resede gurula, khu lihaladzo lago u duside hefemulo wangu, wu si thegi phalani nya guhine, kholu sighoho sangu satshavbo u si dzudzugide hwane gwago.

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Mitengo 19:18

Khu guralo, muthu moyo a agidego, a na dzega sase nya nyagiluve a wu nega matini momo, a mitegedzela tshatsha ni sombo satshavbo, ni vatshavbo vathu va guromo tshatshani mule. A na mitegedzela gambe ni muthu yoyo a khuhidego marambo, ambari nari muthu a songidwego, mwendro lithowo.

Vakolosi 2:14

Uye fuviside lidangalila nya nandru li nga bani li gu hi thuledza, a li futa khu gu li khokhothela vbagihambanotunu.