Dzindzimo 51:6 - Bhibhiliya Nya Guage

⁶ Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

Dzindzimo 51:6 Iomraidhean Croise

2 Samuweli 12:13

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 32:8

Aholu lomo liphuvbo ndrani nya muthu, li mu ningago mapimo, furugedzo wa uye nya Tshivba Yatshavbo.

Joba 38:36

Khu mani a thedego guti ndrani nya monyo ni wugengeli mapimoni?

Dzindzimo 125:4

Pfhumu Nungungulu, gira nya sadi ga avo va gu vadi ni ga vale va gu ni monyo wu lulamidego.

Dzindzimo 15:2

Khoyu basi a gu na ni mavbanyelo nya gululame, a vbanyago khu ndruda, a ganelago lisine monyoni gwaye;

Dzindzimo 26:2

Nyi khedzise, Pfhumu Nungungulu, nyi linge, wona gugola nya monyo wangu ni mipimiso yangu;

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Dzindzimo 41:5

Valala vangu va gu nyi lemba, khavo: “Lini a nafago li futega lina laye.”

Dzindzimo 5:9

Kholu va mwalo lisine maganani gwawe; myonyo yawe yi tade khu maalakanyo nya guvivbe; migolo yawe marowo ma tulegidego, malimi yawe ma gu songa.

Mavingu 2:21

Kholu vathu va lulamidego, va na vbaha mafuni momu, ni vale va vbeledego, va na khala umo;

Mavingu 2:6

Kholu Pfhumu Nungungulu khuye a ningago guti, guti ni gupimisa sa gu dugela khavbo Gwaye.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Luka 11:39

Pfhumu a di mu embela, khuye: “Enu Vafarisi mwa gu handza mbiya ni khokho khu vbavbandze basi, gasi khu ndrani gwanu mu tade khu wuvafa ni ndrwadza.

Varoma 7:22

Livhaloni gwangu, nya gu dzipwa na nyi gu gola gu landrisa milayo ya Nungungulu.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

1 Pedro 3:4

Aholu, wumburi wanu wu na khale khu myonyoni gwanu, kholu, khuwo wumbiri nyamba vbela, wumburi nya liphuvbo nya gurule, nya ndruda, khiso si gu na ni lisima ga Nungungulu.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.