Dzindzimo 51:13 - Bhibhiliya Nya Guage

¹³ Nyi na hevbudza sighohi ndzila yago, gasi sighohi si wuye gwago.

Dzindzimo 51:13 Iomraidhean Croise

2 Dzipfhumu 17:18

Pfhumu Nungungulu a di gorogela va na Israyeli a va dusa mbeli gwaye; gimwalo gi tshadego vbavbandze basi ga nyumba ya Judha.

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 25:4

Nyi nonedze dzindzila dzago Pfhumu Nungungulu, nyi hevbudze dzindzila dzago.

Dzindzimo 25:8

Pfhumu Nungungulu khwadi, gambe lulamide, khu guralo, a ngu nonedza ndzila sighohi.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Jeremiya 31:18

Nyi dipwa gwadi miketo ya na Efrayimi, khavo: Uwe u nyi tsayiside u nyi kwamula gu fanana ni gimombyana gi si gu oloveligo kanga; olu nyi vbindrugedze nyi kodze gu wuya iyo gwago, kholu uwe, khuwe Pfhumu Nungungulu wangu.

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Luka 22:32

Aholu eni nyi di lombelela khu uwe ga Nungungulu gasi gukhodwa gwago gusi rereki. Gani olu, gikhati u na vbindrugedzago uwe, u na tiyisa vandriyago.”

Mithumo 13:10

“Uwe u gyanana gya Sathane, u tadego khu malipha ni guvivba gwatshavbo, nala nya silo satshavbo nya gululame, u na hegisa lini gu tshunganisela dzindzila nya gululame dza Pfhumu?

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;