Dzindzimo 51:11 - Bhibhiliya Nya Guage

¹¹ U nga nyi rinyi hwindzo nya khovbe yago ambari gu nyi dusela Liphuvbo lago nya Guage.

Dzindzimo 51:11 Iomraidhean Croise

Genesi 4:14

Wona, muhuno u ngu nyi tutumisa mafuni momu, nyi ya manega hwindzo Nago; nyi na penga nyi legalega ni litigo; ni wevbini a nyi manago a na nyi songa.”

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

2 Samuweli 7:15

aholu kha nyi na dusa lihaladzo langu avbo gwaye, kha nga idzo nyi giridego ga Sawule, nyi mu dusidego mbeli gwangu.

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

2 Dzipfhumu 23:27

Pfhumu Nungungulu a di ganela, khuye: “Judha nuye, nyi na mu dusa mbeli gwangu, kha nga idzo nyi dusidego khidzo Israyeli, nyi nyenya lidhoropa leli la Jerusalema nyi li hathidego; gumogo gambe ni nyumba nyi nga ganelago gukheni: Lina langu li na khala umo.”

2 Dzipfhumu 24:20

Si giregide kharalo khu kotani nya likhulo la Pfhumu Nungungulu, a wugela Jerusalema ni Judha, gumogo ni gu va dusa mbeli gwaye; aholu Zedhekiya a di wugela mufumeli wa Bhabhiloni.

Dzindzimo 43:2

Ina, kholu uwe u Nungungulu muvhikeli wangu. Khu ginani u nyi digago? Khu ginani nyi khala nga gisiwana, nyi saniswa khu valala vangu?

Dzindzimo 71:18

Ambari olu nyi gumbidego na nyiri ni dzinvi, u nga nyi digi Nungungulu wangu; kala nyi huwelela tshivba yago ga melego yoyu, ni ga oyu wu nga gutago.

Dzindzimo 71:9

U nga nyi nyenyi olu nyi gumbidego; u nga nyi dzudzugi olu nyi vbeledwego khu tshivba.

Jeremiya 7:15

Nyi na mi dusani mbeli gwangu mu ya hwindzo ni eni, kha nga idzo nyi lundridego khidzo vandriyanu, livelego latshavbo la Efrayimi.

Luka 11:13

Nga wonani: Ambari enu nya gukhenu mu vivbedwe khu myonyo mu kodzago gu ninga silo nya sadi sanana sanu, ahati Babe wanu a guromo Ndzadzini a na gira kharini? A na ninga Liphuvbo nya Guage ga vale va mu lombago!”

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

Varoma 8:9

Gasi enu, mwa gu bani muri ni Liphuvbo la Nungungulu khu lisine, kha mu nga gu fumwa gambe khu gudogorela nya tumbunugo nya wuthu, aholu mwa gu fumwa khu Liphuvbo nya Guage. Muthu a gu mwalo Liphuvbo la Kristo, khandri wa Kristo.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

Valamuli 13:25

Liphuvbo la Pfhumu Nungungulu li phede gu thuma gwaye avbo a nga bani na gu manega Mahangeni ga Mahani-Dhani, vbakari ga Zora ni Esitaholi.

Valamuli 15:14

Avbo a nga vbohago Lehi, Vafilisitiya va di duga va mu khinga na va kulungela. Aholu Liphuvbo la Pfhumu Nungungulu, li dita khu tshivba ga Samisoni, dzingodzi va nga bani va mu hungide khidzo mawogo, dzi di tsagama nga dzikhindra nya wuluva nya guvbye khu nilo, dzingodzi a nga bani a hungidwe khidzo dzi di thega khu mawogoni gwaye.

Valamuli 16:20

A mu embela, khuye: “Samisoni, u nguta dhumedwa khu Vafilisitiya!” Uye a di khendzuga khu ligovbeni, na gu pimisa, khuye: “Nyi na duga nyi hongola gufanane nidzo nyi dzi vbulugisago khidzo mambe matshigu.” Aholu, kha nga dziti nya gukhuye Pfhumu Nungungulu a di mu digide.

1 Samuweli 10:10

Na va vbohide Gibheya, va di khingwa khu tsawa nya vaprofeti; Sawule a di tala khu liphuvbo la Nungungulu, a phela guprofeta vbakari gwawe.

1 Samuweli 16:14

Liphuvbo la Pfhumu Nungungulu li di duga ga Sawule, a tshala a tshaniswa khu liphuvbo nya guvivbe, na li gu rumedwa khu Pfhumu Nungungulu.