Dzindzimo 50:3 - Bhibhiliya Nya Guage

³ Nungungulu wathu a nguta, kha nata degula; mbeli gwaye wu ngu dzura nilo nya guvbise; randredwe khu phuvbo nya gingulu.

Dzindzimo 50:3 Iomraidhean Croise

Dzindzimo 48:14

Oyu khu Nungungulu, khuye Nungungulu wathu kala gupindruga; khuye a na hi endredzago kala gufa.

Dzindzimo 50:21

U giride silo sesi, aholu eni nyi di degula; u di gu pimisa gukhuwe eni nya gufanane nago; aholu eni nyi na gu lamula nyi gu ninga nandru.

Dzindzimo 68:20

Nungungulu wathu, Nungungulu a vbanyisago; Pfhumu Nungungulu a ngu hi tshula wugumbini nya lufu.

Dzindzimo 83:1

Uwe Nungungulu, u nga deguli, U nga tshiki dzindzeve, u khumbarana mawogo u khedzisela!

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Ekisodha 19:18

Gigomo gyatshavbo gya Sinayi gi di fenengedzwa khu wutshi, kholu Pfhumu Nungungulu a di tshiga avbo vbakari nya nilo. Wutshi wakone wu di lita wu tuvigela vbatshani kha nga wa vbagikhotunu, ni gigomo gyatshavbo gi di ndrendremela ngudzu.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Ezekiyeli 1:4

Nyi di khedza nyi wona gingulu gi nga bani gi guta khu Wuronga; lipfhi nya likhongolo, na liri ni nilo nya wukhongolo wu nga bani wu wenengedza malangani gwatshavbo, gu duga khu vbakari gwaye, gilo nya dzisimbi nya gukhedzige gi nga bani gi duga khu vbakari nya nilo.

Dhaniyeli 7:10

Wu di duga tsongo nya nilo khu mbeli gwaye, a thumedwa khu mazanazana nya vathu; mbeli gwaye gu diri ni makhulukhulu nya vathu. Phathani gu di phedwa gu lamudwa mahungu, gu tudwa mabhuku.

Levhi 10:2

Khavbo avbo, gu di duga nilo khu ga Pfhumu Nungungulu, wu va vbisa vafa mbeli ga Pfhumu Nungungulu.

Habhakuka 3:5

Mbeli gwaye gu di thanga mitungu; gasi hwane gwaye gu landrela madwali nya guthise.

Mitengo 16:35

Khavbo avbo, gu dita khiyo ga Pfhumu Nungungulu, nilo wuta mbembisa avo nya mazana mavili ni livbandre magumi (250) va nga bani va vbiside libani.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Dhewuteronome 9:3

Muhuno olu, dziti gukhuwe Pfhumu Nungungulu wago, khuye a na thangago mbeli gwago; gufana ni nilo wu vbisago, a na va mbembisa ni gu va fuvisa mbeli gwago; khu guralo, uwe u na va bhobha, u va phalalegisa, u va fuvisa khu givbiredza, kha nga a gu embedego Pfhumu Nungungulu.

Vahebheru 12:29

Kholu, khu lisine, Nungungulu wathu, nilo nya gupfhungumule.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Gutuledwa 22:20

Oyu a gu fakazi nya silo sesi wari, khuye: “Ina, nyi nguta nugunugu!” Amen. Delu Pfhumu Jesu!