Dzindzimo 5:6 - Bhibhiliya Nya Guage

⁶ U ngu fuvisa va nya malipha, Pfhumu Nungungulu a ngu nyenya gighevenga ni muthu nya wuvafa.

Dzindzimo 5:6 Iomraidhean Croise

Genesi 34:14

Va di ganela, khavo: “Ethu kha hi giri isoso! Kha hi dzi kodzi gu dzega ndriyathu hi mu ningela ga mwama nyamba hana wugwera, silo nya nga isoso dzitshoni nya dzikhongolo ga ethu.

2 Samuweli 16:8

Olu Pfhumu Nungungulu bweledzide vbatshani gwago novba watshavbo wa ndrangani ga Sawule, oyu u wandridego mufumo waye; olu Pfhumu Nungungulu, dzegide mufumo a wu ningela mandzani ga mwanago Abhisalamo; olu muhuno u womo muwusiwanani, kholu u muthu nya novba.”

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

Dzindzimo 11:5

Pfhumu Nungungulu a ngu wona oyu nya gululame ni oyu nya guvivbe, a venga oyu a golago wughevenga.

Dzindzimo 4:2

Enu vathu, kala lini sanu, na mu gu hembulula wuzundzo wangu! Khu ginani mu gola silo nyamba phasa gilo, mu tutumela gu vbweta malipha?

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 55:23

Aholu uwe Nungungulu u ngu va gira va relela phalani nya guete; avo vathu nya sighevenga ni wukanganyisi, kha va na vbohisa vbakari nya matshigu yawe nya guvbanye; aholu eni nya gu tumba uwe!

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.