Dzindzimo 48:2 - Bhibhiliya Nya Guage

² Gigomo gyaye nya gukatege, gi mburide ni gulapha, gi ngu tsakisa litigo latshavbo; gigomo gya Siyoni, khu phuvbo ga Wuronga, lidhoropa la Mufumeli nya khongolo.

Dzindzimo 48:2 Iomraidhean Croise

Dzindzimo 135:21

Enu mu vbanyago Siyoni dhumisani Pfhumu Nungungulu a khalago Jerusalema! Aleluya! A na dhumiswe Pfhumu Nungungulu!

Dzindzimo 50:2

Gukhugela Siyoni, wulanga nya gumbure ngudzu, Nungungulu a ngu ngangamela.

Dzindzimo 76:2

Nyumba yaye nya miphaso yomo Jerusalema, uye a gu khala gigomoni gya Siyoni.

Dzindzimo 87:3

Uwe lidhoropa la Nungungulu, si ngu tsakisa iso vathu va ganelago, khu gu gu zundza.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Isaya 14:13

Kholu u di gu ganela khu monyoni gwago, khuwe: Nyi na khugega nyiya kala ndzadzini, gikhalo gyangu nya wufumu nyi na gi khusedza vbatshani nya dzinyeledzi dza Nungungulu, nyi na khala gigomoni nya tshangano, khu phuvbo ga Wuronga.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Isaya 66:10

Tsakani enu mwatshavbo mu golago Jerusalema, mu nengela gumogo naye, enu mwatshavbo mu lidego khuye.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Gililo 2:15

Vatshavbo vavbindri nya ndzila va gu khwakhwathela mandza va gu gu wona; va womba dzindrodzi ni gu kutsunga mihungo, khu kotani yago uwe nyamahegyane wa Jerusalema, khavo: “Khilo eli lidhoropa li nga bani li gu ranwa gupwani mburi yi vbeledego, gutsaka gwa tigoni gwatshavbo, gani?” Pheni

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Dhaniyeli 11:16

Khu guralo, uye a natago guta mu sasela a na gira iso a si golago; nyamba himbedzwa khu muthu. A na bela Tigoni nya tshivba a li sasela.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Dhaniyeli 8:9

Khu ga mweyo nya idzo, gu di duga gikhehwana, gi dandra ngudzu, gi khedza Marandzi, Khugadambo ni ga Litigo li vbindrago Mayigo yatshavbo khu Wumburi.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Malakiya 3:12

“Mayigo yatshavbo ma na ganela khayo mu kategide, kholu enu mu na bani muri litigo li nengedzisago,” a ngu ganela Pfhumu Nungungulu nya Tshivba Yatshavbo.

Matewu 5:35

ambari khu litigo, kholu khavbo a vegago avbo migondro yaye; ambari khu Jerusalema, kholu lidhoropa la mufumeli khongolo,

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.