Dzindzimo 48:11 - Bhibhiliya Nya Guage

¹¹ Gi ngu tsaka gigomo gya Siyoni, sanana sa Judha si ngu nengela khu kotani nya gulamule gwago.

Dzindzimo 48:11 Iomraidhean Croise

Dzindzimo 58:10

Muthu nya gululame a na nengela a gu wona na va gu phodzedwa va nya guvivba; a na hamba migondro novbani gwawe.

Dzindzimo 97:8

Siyoni a na sipwe a nengela, sagadzyana sa Judha si na khulungele, khu kotani nya gulamule gwago, uwe Pfhumu Nungungulu.

Gizimba 1:5

Nyamayana —Nyi di sivbala sangu, aholu nyi mburide, enu sagadzyana sa Jerusalema, nya gu fanana ni mitshatsha ya Kedhari, gu fanana ni myendra nya makhuvi ya Solomoni.

Gizimba 2:7

Mwama —Nyi ngu sambanya gwanu enu vanyamahegyana va Jerusalema, khu dzitshesi ni vamangulwe va mugigomoni, gukheni mu nga wusi gigodwa gyangu a si gu dzini abune gu wuga.

Gizimba 3:5

Mwama —Nyi ngu sambanya gwanu enu vanyamahegyane va Jerusalema, khu dzitshesi ni dzimbavala dza khabini kheni, mu nga wusini gigodwa gyangu, uye mune na si gu vbweti gu wuga.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Isaya 37:22

aya khu magana Pfhumu Nungungulu a ganedego khu mahungu yaye: Nyamahegyane nya likendzi wa Siyoni, a ngu gu hega ni gu gu tsoredzela; nyamahegyane wa Jerusalema avbo u vbindrago a gu kutsunga hungo.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Luka 23:28

Jesu a di thendregedza, a va embela, khuye: “Sagadzyana sa Jerusalema, mu nga lilini khu kotani yangu; dzi lileleni wutumbu wanu ni gu lilela sanana sanu;

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”