Dzindzimo 48:1 - Bhibhiliya Nya Guage

¹ Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 48:1 Iomraidhean Croise

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 145:3

Pfhumu Nungungulu khongolo, a na ni fanelo nya guzundzwe; wugulu waye kha wu kodzwi gu pimwa.

Dzindzimo 147:5

Khongolo khu Nungungulu wathu nya Tshivba Yatshavbo; guti gwaye gu mwalo mivbingano.

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 30:1

Eni nyi ngu gu khusedza, Pfhumu Nungungulu, kholu u nyi vbanyiside, khwa diga valala vangu va ghiya hwamboni gwangu.

Dzindzimo 42:1

Gufanana ni yisya yipwago lidora yi tutumela tsongoni nya mati, hefemulo wangu wu ngu gu suva Nungungulu wangu.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 46:4

Womo tsongo, mati yaye ma tsakisago lidhoropa la Nungungulu, nyumba nya guage ya oyu a Khusegidego ngudzu.

Dzindzimo 47:8

Nungungulu a ngu fuma vbatshani nya mayigo; khade vbagikhalotunu gwaye nya gukatege.

Dzindzimo 65:1

Uwe Nungungulu u fanede gu dhumiswa Siyoni! Esi vathu va sambanyidego, va fanede gu gu ninga.

Dzindzimo 78:68

Aholu a di hatha lihundzu la Judha, ni gigomo gya Siyoni a gi golago ngudzu.

Dzindzimo 86:10

Kholu khuwe basi u gu Nungungulu, u gu khongolo, u girago siliwugiso!

Dzindzimo 87:1

Pfhumu tsitside lidhoropa laye sigomoni nya guage.

Dzindzimo 87:3

Uwe lidhoropa la Nungungulu, si ngu tsakisa iso vathu va ganelago, khu gu gu zundza.

Dzindzimo 96:4

Kholu Pfhumu Nungungulu khongolo fanede gu dhumiswa, fanede gu ningwa githawo guvbindra vanungungulu vatshavbo.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Jeremiya 31:23

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “La gu vboha litshigu nyi na kategisago litigo la Judha gumogo ni madhoropa yaye, avo va na ganela gambe magana yaya, khavo: Pfhumu Nungungulu a na gu kategise, uwe ndranga nya gululame, uwe gigomo nya gukatege!”

Obhadhiya 1:17

Aholu gigomoni gya Siyoni va na manega avo va nga vbulugago; va na bani va kategide; lihundzu la Jakobe, li na fuma dzithomba dzawe.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Matewu 24:15

“Khu kharato, mwa gu wona manyala nya guthavise, ma thudwago khu muprofeti Dhaniyeli na ma romo vbawulangatunu nya gukatege, uye a hevbulago a na si pimise gwadi,

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Gutuledwa 19:5

Khu vbagikhalotunu nya mufumo gu di duga lito, khilo: “Rungudzani Nungungulu wathu, enu mwatshavbo sithumi saye, enu mu gu ni githawo gwaye, nya vadugwana ni vakhongolo.”

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.