Dzindzimo 47:9 - Bhibhiliya Nya Guage

⁹ Dzindruna nya mayigo dzi ngu patana ni vathu va Nungungulu wa Abrahama, kholu mifumo ya mafuni ya gu lumba Nungungulu; Uye womo vbatshani nya silo satshavbo.

Dzindzimo 47:9 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Dzindzimo 72:11

Vafumeli vatshavbo va na khidzime mbeli gwaye; mayigo yatshavbo ma na mu thumele.

Dzindzimo 89:18

Kholu gitshangu nya gu hi vhikele gyomo mandzani ga Pfhumu Nungungulu, ni mufumeli wathu a gu lumba oyu a Agidego wa Israyeli!

Dzindzimo 97:9

Kholu uwe Pfhumu Nungungulu u Khusegide ngudzu vbakari nya litigo latshavbo, Uwe u Khusegide vatshani ga vanungungulu vatshavbo.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Mavingu 30:5

Magana yatshavbo ya Nungungulu ma agide, gitshangu gya vatshavbo vale va Mu tumbago.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Matewu 22:32

‘Eni kheni Nungungulu wa Abrahama, Nungungulu wa Isaki ni Nungungulu wa Jakobe,’ gani? Uye khandri Nungungulu wa va nya gufa, aholu, khwa va nya guvbanya!”

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Vagalatiya 3:29

Na mu gu lumba Kristo, mu sanana sa Abrahama, mu na hakhani thomba yi tumbisidwego.