Dzindzimo 47:5 - Bhibhiliya Nya Guage

⁵ Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

Dzindzimo 47:5 Iomraidhean Croise

2 Samuweli 6:15

Khu guralo, Dhavhidhe ni vatshavbo va na Israyeli, va di gwedzisa Ngasa ya Pfhumu Nungungulu, na va gu kulungela ni gu womba mipundru.

1 Dzikoronika 15:24

Vaphasi nya mhamba Sebhaniya, Josafati, Nataniyeli, Amasayi, Zakariya, Bhenaya ni Eliyezeri avo va di gu womba mipundru mbeli nya Ngasa ya Nungungulu. Obhedhi-Edhomi, ni Jeya, a diri vawoneleli nya Ngasa.

1 Dzikoronika 15:28

Vatshavbo va na Israyeli, avo va nga bani va gu vbwelegedza Ngasa nya Gidzumeledzwano gya Pfhumu Nungungulu, va di kulungela khu gutsaka na va gu womba siphaphato ni mipundru, singomana, sitendre ni dzimbila.

1 Dzikoronika 16:42

gumogo navo gu diromo Hemani ni Jedhutumi, va nga bani va womba mipundru ni siphaphato nya dzisimbi dzimindrudzile nya gudhumise Nungungulu; va na Jedhutumi va diri vawoneleli nya dzinyangwa.

Dzindzimo 150:3

Mu dhumiseni na mu gu womba mipundru; mu dhumiseni khu sitendre ni mihwambi!

Dzindzimo 68:33

Uye a guromo khu gale vbatshani ndzadzini; yingisani, uye a ngu pwadza lito laye, a gu lito nya tshivba.

Dzindzimo 78:65

Khavbo, Pfhumu, a nga gira gukhwatshi gu khendzuga khu ligovbeni, kha nga mwama nya ndrena a wusedwago wunyanyu waye khu wadwa.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Dzindzimo 98:6

khu mipundru ni dzimbalapala, mu rungudza mbeli ga Nungungulu, a gu Pfhumu.

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Amosi 8:7

Pfhumu Nungungulu a di sambanya khu matshandza ya Jakobe, khuye: “Eni gima kha nyi na divaledwa khu mithumo yaye yatshavbo a giridego!”

Malakiya 2:3

Nyi na tsayisa situgulwana sanu, nyi gwiringela khovbeni gwanu, swanyi nya sirengo mu nyi luvago khiso, mu na dzudzugwa vbavbandze gumogo ni swanyi nya mibuzo yanu.

Mitengo 23:21

Kha gu wonegi libango ga Jakobe, gu mwalo guvivba ga vathu va Israyeli. Pfhumu Nungungulu wawe a na ni avo, a ngu kulungedwa vbakari gwawe kha nga Mufumeli wawe.

1 Vakorinto 15:52

isoso si na girega khu gikhati gimwegyo basi, khu gukhwavbila nya maho, gikhati wu na wombago pundru nya mahegiso. Wa gu pwala pundru, ava va fudego va na wuga va vbanya nyamba fa gambe, gasi ethu, hi na vbindrugedza giemo.

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Josuwa 6:5

Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”