Dzindzimo 47:3 - Bhibhiliya Nya Guage

³ Uye a ngu hi ninga gu fumela mayigo, a vega mahundzu nya vathu vbavbatshi nya migondro yathu.

Dzindzimo 47:3 Iomraidhean Croise

Dzindzimo 110:1

Pfhumu Nungungulu a di ganela ga mune wangu, khuye: “Khala khu nyamudye gwangu, kala nyi vega valala vago vbavbatshi nya migondro yago.”

Dzindzimo 18:47

Nungungulu khuye a nyi ningago tshivba nya guphodze; khuye a nyi ningago gu fumela mayigo.

Dzindzimo 66:5

Deluni muta wona mithumo ya Nungungulu; wonani silo nya gusamadzise a giredego vathu.

Dzindzimo 81:14

na nyi gu khozisa valala vawe khu guvbiredza; na nyi gu veta valala vaye khu mandza yangu.

Dzindzimo 95:3

Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

Dzindzimo 99:2

Pfhumu Nungungulu khongolo Siyoni, khusegide vbatshani nya mayigo yatshavbo.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

1 Vakorinto 15:25

Kholu gu vbwetega Kristo a fuma kala Nungungulu a khozisa valala vatshavbo khu tshivba yaye.

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.

Josuwa 21:44

Pfhumu Nungungulu a di ninga gurula khu maphuvbo yatshavbo gukhedza khidzo a nga sambanyago khidzo ga vababe vawe; mwalo ni moyo ya valala vawe a nga bani na gu tiya mbeli gwawe; Pfhumu Nungungulu a di va ningela vatshavbo mandzani gwawe.