Dzindzimo 45:3 - Bhibhiliya Nya Guage

³ Hunga litshari giwununi gwago, uwe ndrena; kholu u ngu zundzega ni guthavisega!

Dzindzimo 45:3 Iomraidhean Croise

Joba 1:16

Na si gu vbedzi gu ganela, gu dita wumbe mwango, wuta, khuye: “Nilo wa Nungungulu wu thegide khu ndzadzini, wuta vbisa tshambi watshavbo nya dzinvuta gumogo ni sithumi, nyi di tshala eni nyenga basi, nyi gu reselago mwango.”

Dzindzimo 104:1

Uwe hefemulo wangu, bonga Pfhumu Nungungulu! Pfhumu Nungungulu wangu, u khongolo ngudzu! U ambade gungangamela ni wugulu!

Dzindzimo 145:12

va na tivise ga sanana nya vathu, mithumo yago nya yikhongolo, ni wugulu nya mufumo wago.

Dzindzimo 145:5

Avo va na ganela khu wudhumo ni wugulu wago, eni nyi na embelela nyi pwadza siliwugiso sago.

Dzindzimo 21:5

Gupala gwago gu dandriside wuzundzo waye, u mu ambagiside wudhumo ni gungangamela.

Dzindzimo 21:7

Mufumeli a ngu tumba Pfhumu Nungungulu, khu lihaladzo la oyu a khugegidego ngudzu gima kha na kanakana.

Dzindzimo 96:6

Wudhumo ni wugulu somo mbeli gwawe, tshivba ni wumburi, somo nyumbani nya guage.

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Gizimba 5:13

Khovbe yaye ya gu fanana ni lithembwe nya misimbo nya mafura nya gunungele sigundru saye sa gu fanana ni senge si dotago mafura nya tengo;

Isaya 49:2

A di gira likana langu kha nga litshari nya gulodzwe, a nyi fenengedza khu mutsa nya gyandza gyaye, a nyi giride kha nga giholoma gilodzidwego, a nyi siha vbagikhwesotunu gwaye,

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Varoma 14:9

Kholu, Kristo fude, a wuga, a vbanya gasi gu khala Pfhumu nya va nya gufa ni va nya guvbanya.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.

Vahebheru 8:1

Gilo nya gikhongolo ngudzu ga esi hi ganelago khu mahungu nya muphasi hi gu naye: Uye khuye Muphasi nya Khongolo a khadego ndzadzini khu nyamudye nya gikhalo nya wufumu wa Nungungulu nya Tshivba Yatshavbo.

Judha 1:25

uye a gu Nungungulu moyo basi, Muvbanyisi wathu, a ngu yela gu hakha khu ga Pfhumu yathu Jesu Kristo: Wudhumo, wuzundzo, wugulu, tshivba, wufumu gukhugela guhegulani ga mimela yatshavbo ni olu, kala gupindruga! Amen.

Gutuledwa 1:16

Khu nyamudye a di pharide livbandre na dzimbili dzinyeledzi; khu kanani gwaye gu di duga litshari nya gulodzwe eno ni eno. Khovbe yaye yi di fanana ni lidambo nya gungangamele khu tshivba yaye yatshavbo.

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.

Gutuledwa 19:21

Ava vambe va nga tshalago va di songwa khu litshari li nga dugago khu kanani ga wule a nga bani a khilede kavalu. Ni sinyoni satshavbo si di khura khu nyama yawe.

Valamuli 3:16

Ewudhi a di dzi girede litshari nya gulodzwe eno ni eno, na liri ni pimo nya kono moyo gulapha; a li hungelela nyongani gwaye gwa nyamudye khu vbavbatshi nya guambala gwaye.