Dzindzimo 45:11 - Bhibhiliya Nya Guage

¹¹ Khu wumburi wago, Mufumeli a vbede mapimo yaye yatshavbo; noga mbeli gwaye; kholu uye khuye mune wago.

Dzindzimo 45:11 Iomraidhean Croise

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 45:6

Uwe Nungungulu, gikhalo gyago nya wufumu gi ngu simama kala gupindruga; ndronga nya gululame, i ndronga nya wufumu wago.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Gizimba 1:8

Mwama —Wa gumba dziti uwe u gu mburi nya dzimburi, landra migondro nya tshambi; u ya havisa dziphongo dzago vbafuvbi ni mitshatsha ya vahavisi.

Gizimba 2:14

Uwe lituva langu u sihalago dziphagoni nya siwindri, ni gukhwekelani nya gusihale; nyi yeyedze khovbe yago, nyi napwe lito lago, kholu lito lago li ngu tshamba, ni khovbe yago yi mburide.”

Gizimba 2:2

Mwama —Kha nga genge vbakari nya miba, kharato nugo gigodwa gyangu vbakari nya dzimbiri.

Gizimba 4:7

Gigodwa gyangu, u mburide ngudzu, u mwalo givbango gi gu ni mbanga.

Gizimba 6:4

Mwama —Uwe u mburide gigodwa gyangu, ni pari yangu, wa gu fanana ni lidhoropa la Tiriza, u khalegide nga lidhoropa la Jerusalema, u thisidego nga gikwata gi hongolago nyimbitunu ni dzingavbya.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Luka 24:52

Gasi avo, na va mu khozede, va di bwelela Jerusalema na va tade khu gunengela.

Johane 20:28

Tomasi a di khuye: “Pfhumu yangu, Nungungulu wangu!”

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Varoma 14:9

Kholu, Kristo fude, a wuga, a vbanya gasi gu khala Pfhumu nya va nya gufa ni va nya guvbanya.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.