Dzindzimo 45:1 - Bhibhiliya Nya Guage

¹ Monyo wangu wu ngu vbalagela khu magana nya gutsakise. Ndzimo yeyi nya gu yi embelela ga Mufumeli; lidimi langu tenga wa mulovi nya gusamadzise.

Dzindzimo 45:1 Iomraidhean Croise

2 Samuweli 23:2

Liphuvbo la Pfhumu Nungungulu li ganede khavbo gwangu, magana yaye momo lidimini gwangu.

Ezira 7:6

Ezira yoyu a di khuga khu Bhabhiloni; a diri mulovi a wutigo gwadi Nayo wa Mosi.

Joba 33:3

Magana yangu khya lisine li tiyidego, ni gutumbega nya monyo wangu, sigundru sangu sa gu ganela khu guti nya gutumbege.

Joba 34:4

Hongoleni hi vbweta iso si lulamidego, gasi hi kodze gu hatha igyo nya gyadi.

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 42:1

Gufanana ni yisya yipwago lidora yi tutumela tsongoni nya mati, hefemulo wangu wu ngu gu suva Nungungulu wangu.

Dzindzimo 49:3

Likana langu li na ganela guti, khu monyoni gwangu gu na duga mipimiso nya gugengele.

Dzindzimo 69:1

Uwe Nungungulu nyi vbulugise, kholu nyi ngu vbweta gu langaladzwa khu mati.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Mavingu 16:23

Muthu nya mapimo a gu ganela khu wugengeli, magana yaye ma gu tulela vathu va khodwa.

Gizimba 1:12

Mwangadzi —Avbo mufumeli a nga bani a khade vbamezatunu gwaye, vbagikhalotunu gwaye, a dipwa gunengela nya mafura nyi nga bani nyi tode.

Isaya 5:1

Olu, nyi na embelela ga gigodwa gyangu, ndzimo nya lihaladzo laye khu lithembwe laye nya miuvha. Gigodwa gyangu gi diri ni lithembwe nya vhinya gigomwanani nya mafu nya gunone ngudzu.

Matewu 12:35

Muthu nya wadi a gu dusa silo nya sadi sa thombani gwaye nya yadi; gasi uye a vivbidego, a gu dusa silo nya guvivbe sa thombani gwaye nya guvivbe.

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 27:37

Vbagihambanotunu khu vbatshani nya hungo waye va di vega milowo yi nga bani yi tshamusela givangelo nya lufu laye. Yi di gu khiyo. “OYU KHU JESU, MUFUMELI WA VAJUDHA.”

Vaefeso 5:32

Oyu sihalo khongolo ngudzu, nya gu ganela khu mahungu ya Kristo ni libandla laye.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.