Dzindzimo 44:13 - Bhibhiliya Nya Guage

¹³ Wa gu hi gira givalo ga vaakelane vathu, avo va hi randrelago va ngu hi hembulula, va hi hega;

Dzindzimo 44:13 Iomraidhean Croise

Dzindzimo 79:4

Hi khade gihegiso ga vaakelane vathu, vale va nga hi randrela va hi hega ni gu hi tsorodzela.

Dzindzimo 80:6

U hi giride dzikhumbi, vaakelane vathu va ngu dwanisana khu kotani ya ethu, ni valala vathu va ngu hi hega.

Dzindzimo 89:41

Vatshavbo vavbindri nya ndzila va gu bela va phanga iso va sinago; khade givalo ga vaakelane vaye.

Dzindzimo 89:51

Uwe Pfhumu Nungungulu, valala vago va ngu vala mufumeli wago, u mu todzidego mafura yago nya guage, ni evbini a hongolago va gu mu vala.

Isaya 52:3

Kholu Pfhumu Nungungulu a ngu ganela kharati, khuye: “Mu rengisidwe mahala, mu na tshudziswa gambe mahala nyambana dzitsapawu.”

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 48:27

Gasi wa gu wona Israyeli a di siri gilo nya gihegiso avbo gwago, gani? Ina uye a di manwa wuvafani, gani? Khu ginani u hegago gikhati gyatshavbo va ganelago khuye?

Dhewuteronome 28:37

U na khala gipoyilo ni gisamadziso, vbakari nya vathu vale Pfhumu Nungungulu, a na gu yisago gwawe.