Dzindzimo 43:2 - Bhibhiliya Nya Guage

² Ina, kholu uwe u Nungungulu muvhikeli wangu. Khu ginani u nyi digago? Khu ginani nyi khala nga gisiwana, nyi saniswa khu valala vangu?

Dzindzimo 43:2 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 140:7

Uwe Pfhumu Nungungulu wangu, muvhikeli wangu nya tshivba, u nyi vhikede u nyi emela litshigu nya litunga.

Dzindzimo 28:7

Pfhumu Nungungulu tshivba ni gitshangu gyangu, monyo wangu wa gu tumba uye; nyi phasidwe, givili gyangu gi ngu thungedzela, nyi ngu bonga khu monyo wangu watshavbo.

Dzindzimo 31:4

Nyi duse dzikhogani va nyi thesedego, kholu khuwe tshivba yangu.

Dzindzimo 42:10

Khu ginani nyi tshanisekago kharati? Valala vangu va gu nyi vala, gikhati gyatshavbo va gu nyi wudzisa, khavo: Womo hayi Nungungulu wago?”

Dzindzimo 42:9

Nya gu vbweta gu mu embela, kheni: “Uwe Nungungulu, muvhikeli wangu, khu ginani u nyi digidego? Khu ginani nyi na gimbilago na nyi gu vbisega ni gu tshaniswa khu valala vangu?

Dzindzimo 44:9

Gasi olu, uwe u hi tsukude u hi thela dzitshoni, khu dugi gambe u thangela dzinyimbi dzathu.

Dzindzimo 71:9

U nga nyi nyenyi olu nyi gumbidego; u nga nyi dzudzugi olu nyi vbeledwego khu tshivba.

Dzindzimo 77:7

Ina Pfhumu a gu vbweta gu nyi digela muphelo, gani? Guyeyedza gupwani uye kha na hi hakha gambe, gani?

Dzindzimo 88:15

Gukhugela wananani gwangu nyi wa gu hodza tshanisa; ni gu holela lufu vbafuvbi, u ngu nyi wonisa sigaradzo nya guthise, olu si ngu nyi vbedza tshivba.

Dzindzimo 94:14

Kholu Pfhumu Nungungulu kha na diga vathu vaye, ambari gu diga thomba yaye.

Ekisodha 15:2

Pfhumu Nungungulu khuye tshivba ni ndzimo yangu. Khuye muvbanyisi wangu. Khuye Nungungulu wangu, nyi na mu rungudza; Nungungulu wa vababe vangu; khu guralo, nyi na mu khusedza.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Isaya 45:24

Va na ganela khu eni, khavo: Gululama ni tshivba somo ga Pfhumu Nungungulu basi; va nata gwaye na va tade khu dzitshoni vatshavbo vale va nga mu wugelago.

Zakariya 10:12

Eni nyi na va tiyisa tshivbani ga Pfhumu Nungungulu, va na gimbila linani gwangu; a ngu ganela Pfhumu Nungungulu.

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

Vafilipi 4:13

Nyi ngu kodza gupala satshavbo tshivbani ya wule a nyi tiyisago.