Dzindzimo 42:6 - Bhibhiliya Nya Guage

⁶ Hefemulo wangu nya gu wupwa na wu gu vbisega ndrani gwangu; khu guralo, nyi ngu gu dundruga, tigoni ga Joridhani ni gigomoni gya Herimoni ni gigomwanani gya Mizari.

Dzindzimo 42:6 Iomraidhean Croise

2 Samuweli 17:22

Khavbo avbo, Dhavhidhe ni vathu vaye vatshavbo a nga bani ari navo, va di khuga va tshatuga tsongo wa Joridhani; gu digya ni dzimindru vathu vatshavbo na va vbede gu tshatuga tsongo wa Joridhani.

2 Samuweli 17:27

Avbo Dhavhidhe a nga vbohago Mahanayimi, Sobhi, mwamana wa Nahasi, wa Rabha, wa na Amoni, ni Makiri, mwamana wa Amiyeli, wa Lo-Dhebhari, ni Bharizilayi, Mugileyadhi wa Rogelimi,

Dzindzimo 133:3

Gufanana ni mumya wa gigomoni gya Herimoni, wu thegago sigomoni sa Siyoni. Khavbo vbale Pfhumu Nungungulu a hi rumelago makategwa, ni guvbanya nya gupindruge.

Dzindzimo 22:1

Nungungulu wangu, Nungungulu wangu, khu ginani u nyi digidego? Ambari nyi wombago dzihuwa, nombelo wangu kha wu vbohi gwago.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Dzindzimo 43:5

Khu ginani uwe hefemulo wangu u tshanisekago? U ketago ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu!

Dzindzimo 61:2

Nyi ngu gu rana khu mahegiso nya litigo, kholu monyo wangu wu ngu vbela tshivba, nyi yise giwindrini nya gukhugege ngudzu u nyi sayisela avbo.

Jona 2:7

Avbo hefemulo wangu wu nga bani wu tshimega, nyi di alakanya Pfhumu Nungungulu; nombelo wangu wu di gwela kala iyo gwago, nyumbani gwago nya gukatege.

Matewu 26:39

Na leyide vbadugwana, a di khidzima a gu kuha vbavbatshi khu khovbe, a lomba, khuye: “Baba, gwa gu kodzega, nyi ndreyisele gikombe gegi nya wuvi gi vbindre avbo gwangu. Ambari ulo, gu nga giregi guhaladza gwangu; aholu, guhaladza gwago.”

Matewu 27:46

Ni silambo, Jesu a di khusedza lito, khuye: “Eli, Eli, lema sabaktani?” Gu tshamusago, pwani “Nungungulu wangu, Nungungulu wangu, khu ginani u nyi digidego?”