Dzindzimo 42:2 - Bhibhiliya Nya Guage

² Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

Dzindzimo 42:2 Iomraidhean Croise

Joba 23:3

Nari gupwani nyi ngu guti avbo a khalago! Nyi di hadza gu mu landra kala phathani gwaye!

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Dzindzimo 63:3

Kholu lihaladzo lago li ngu tsakisa guvbindra womi; likana langu li na gu rungudza.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Dzindzimo 84:4

Va kategide avo va khalago nyumbani gwago; va na simama gu Gu dhumisa nyamba garala.

Dzindzimo 84:7

Na va gu gimbila, tshivba yawe ya guya na yi gu engedzelana litshigu ni litshigu, kala va gu vboha mbeli ga Nungungulu, gigomoni gya Siyoni, va ta wona khovbe yago.

Ekisodha 23:17

Vama vatshavbo va tigoni gwago va na ta dzi bikela mbeli ga Pfhumu Nungungulu nya Tshivba Yatshavbo guraru khu mwaga.

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Johane 5:26

Kha nga ulo Babe a vbanyago khu tshivba yaye, ningide Mwanaye guvbanya nuye khu tshivba yaye.

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

Josuwa 3:10

A engedza gambe, khuye: “Kharato mu na dzitini nya gukhenu Nungungulu a vbanyago womo vbakari gwanu, Uye gima kha na diga gu bhobha mbeli gwanu Vakhanani, Vahiti, Vahevhi, Vaperezi, Vagerezi, Vaamori, ni Vajebhuzi.

Gutuledwa 22:1

Khavbo avbo, ngilozi yi di nyi yeyedza tsongo nya mati nya womi, nya gukhedzige nga libona nya kristali, na ma gu duga khu vbagikhalotunu nya wufumu wa Nungungulu ni wa Nvutana.