Dzindzimo 42:10 - Bhibhiliya Nya Guage

¹⁰ Khu ginani nyi tshanisekago kharati? Valala vangu va gu nyi vala, gikhati gyatshavbo va gu nyi wudzisa, khavo: Womo hayi Nungungulu wago?”

Dzindzimo 42:10 Iomraidhean Croise

Dzindzimo 42:3

Marongo yangu ma gu khala guhodza gwangu wutshigu ni mihani, litshigu ni litshigu na va gu nyi embela, khavo: “Womo hayini Nungungulu wago?”

Dzindzimo 43:2

Ina, kholu uwe u Nungungulu muvhikeli wangu. Khu ginani u nyi digago? Khu ginani nyi khala nga gisiwana, nyi saniswa khu valala vangu?

Dzindzimo 55:4

Monyo wangu wu ngu ndrendremela ndrani gwangu, hwanga nya gufe wu nyi fenengedzide.

Mavingu 12:18

Vomo va dusago magana nya gupaye kha nga litshari, aholu lidimi la va nya guti, la gu ninga womi.

Gililo 5:20

Ina u na hi divala gikhati gyatshavbo, gani? Ni gu hi pfhurarela khu gikhati nya gingi, gani?

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Luka 2:35

gasi gu wonegiswa mahingigedzo ma sihadego myonyoni nya yingi. Hefemulo wago wu na hekhwa khu litshari.”