Dzindzimo 40:6 - Bhibhiliya Nya Guage

⁶ Uwe khwa vbweta miphaso ni miningelo, aholu u nyi tude dzindzeve; khwa lomba miphaso nya sirengo nya guvbiswe, gasi gu handza sighoho sathu.

Dzindzimo 40:6 Iomraidhean Croise

Joba 33:16

Uye a ngu dzi kodza gutula dzindzeve dzawe a va lembedza ni gu va dundrugisa sileletelo saye,

Joba 5:9

Uye giride silo nya sikhongolo si samadzisago, ni siliwugiso nyambana tengo.

Dzindzimo 139:17

Pfhumu Nungungulu, makungo yago ma na ni lisima ngudzu, ma tade ngudzu nyambana vasayi.

Dzindzimo 139:18

Nari gu ma sayela, ma ngu vbindra fungu wa phwani khu gutala, hi di hadza gu ma sayela nyamba vboha mahegiso.

Dzindzimo 50:8

Kha nyi gu kawuki khu kotani nya miphaso yago nya dzimhamba, mwendro miphaso yago nya guvbiswe u nyi girelago gikhati gyatshavbo.

Dzindzimo 51:16

Kholu uwe khu tsakiswi khu miphaso nya dzimhamba; ambari nya gu gu ninga miphaso nya guvbiswe; uwe khu tsakiswi khiyo.

Dzindzimo 71:15

Wutshigu ni mihani khu guvbanyisa gwago nyi huwelela mithumo yago nya gululame ambari nyi gumba wuti tengo waye.

Ekisodha 21:6

Khu guralo, mune waye a na yi resa mbeli ga Nungungulu, a yi hidzimisa vbafuvbi ni lidimba mwendro avbo nya hasimo; khavbo avbo, mune waye a na yi pola ndzeve khu ndrombo Khumbi yeyi yi na mu thumela kala gupindruga.

Isaya 1:11

Dza gu nyi phasa ginani dzimhamba dzanu nya dzingi? A ngu wudzisa Pfhumu Nungungulu. Nyi garade khu miphaso yanu nya guvbiswe nya dzinvuta ni mafura nya sifuyo nya gunone. Kha nyi tsakiswi khu novba nya sikuzyana, nya dzinvuta, ni vanyamabhongwe.

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Amosi 5:22

Ambari mwa gu nyi ningani miphaselo nya guvbiswe, ni miningelo nya guhodze, gima kha nyi na tsaka khiyo, ambari miningelo yanu nya gugirwe khu sirengo sanu nya gunone.

Matewu 12:7

Aholu nari gupwani mu ngu wuti tshamuselo nya mahungu ma gukhayo: Eni nya gu hatha wuhindzi guvbindra mhamba, na mu si ningi nandru avo va gu mwalo nawo.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.