Dzindzimo 40:10 - Bhibhiliya Nya Guage

¹⁰ Kha nya siha gululama gwago monyoni gwangu, aholu nyi tiviside gutumba ni guvbanyisa gwago; kha nya siha lihaladzo ni lisine lago, vbakari nya tshangano nya khongolo.

Dzindzimo 40:10 Iomraidhean Croise

Dzindzimo 22:26

Sisiwana si na hodza si khura; avo va vbwetago Pfhumu Nungungulu, va na mu rungudza. Myonyo yawe yi na vbanye kala gupindruga.

Dzindzimo 25:10

Dzindzila dza Pfhumu Nungungulu dzatshavbo lihaladzo ni lisine, ga vatshavbo va vegisago gidzumeledzwano gyaye ni sileletelo saye.

Dzindzimo 34:6

Gisiwana gi di lila, Pfhumu Nungungulu a gi yingisa, a gi vbulugisa sigaradzoni saye satshavbo.

Dzindzimo 75:9

A gu bani nari eni nyi na dhumisa Nungungulu kala gupindruga; nyi embelela dzindzimo nya gurungudze Nungungulu wa Jakobe.

Dzindzimo 89:1

Oh Pfhumu Nungungulu, nyi na embelela lihaladzo lago kala gupindruga; gikhati gyatshavbo nyi na tivisa gutumbega gwago ga mimelana yatshavbo.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Ezekiyeli 2:7

Aholu uwe, u na va embela magana yangu, ambari va gu dzumela gu yingisa, mwendro gumba dzumela gu yingisa, kholu avo vathu nya guyeyise.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Luka 3:6

Vathu vatshavbo va na wona guvbanyisa ga Nungungulu.”

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Varoma 10:3

Kholu kha va pimi ndzila ya Nungungulu a ningago khiyo vathu gululama mahoni gwaye. Avo va gu dzi garadza khu magirelo yawe, aholu va diga gulandra ndzila yi vegisidwego khu Nungungulu.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

1 Vatesalonika 1:8

Gukhugela khavbo gwanu, mahungu ya Nungungulu ma di phalalega tigoni gwatshavbo ga Makedhoniya ni Akaya, gukhodwa gwanu ga Nungungulu gu di pwala malangani yatshavbo, khu isoso kha gu vbwetegi gu ganela gambe gimbe gilo.

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.