Dzindzimo 4:5 - Bhibhiliya Nya Guage

⁵ Ningelani miphaso nya gululame, mu tumba Pfhumu Nungungulu.

Dzindzimo 4:5 Iomraidhean Croise

2 Samuweli 15:12

Avbo Abhisalamo a nga bani a ningela miphaso, a di rana Ayitofeli nya Mugiloni, a nga bani nari moyo nya madhota ya Dhavhidhe nari dhoropani gwaye gwa Gilo. Gikungo gegi gi di tiya kholu, tengo nya vathu va nga bani va ema ni Abhisalamo wu di engedzelana gutala.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 26:1

Nyi lamule, Pfhumu Nungungulu, kholu nyi lulamide guvbanyani gwangu; nyi ngu tumba Pfhumu Nungungulu nyamba kanakana.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 51:19

Khu guralo, u na nengela khu miphaso nya gululame, nya miningelo ni miphaso nya guvbiswe, vbagiluvelotunu gwago gu na ningedwa miphaso nya sikuziyana.

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Dzindzimo 77:7

Ina Pfhumu a gu vbweta gu nyi digela muphelo, gani? Guyeyedza gupwani uye kha na hi hakha gambe, gani?

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 61:8

Kholu eni, Pfhumu Nungungulu, nya gu gola gululama, nyi venga wuvafa ni malipha; nyi na va ninga khu gutumbega tshatshazelo yawe, bwelo khavbo nyi hunga navo gidzumeledzwano kala gupindruga.

Malakiya 1:8

Khandri gunyenyeza gu nyi reselani sirengo nya gufe maho, nya guhase nesi nya gudwale, gani? Nga hongolani mu ya luva khiso ga mufumeli wago. Ina si na mu tsakisa? Ina a na mi hakhani gwadi, gani? A ngu ganela Pfhumu Nungungulu nya Tshivba Yatshavbo.

Matewu 5:23

Khu kharato, wa guya gira ningelo wago vbagiluvelotunu, nuri vbakari, u dundruga gukhuwe u hosede ndriyago,

Dhewuteronome 33:19

Avo va na tombanisa vathu gigomoni; avbovbo va na ya ningela miphaso nya gululame, kholu va na mana nya singi sa phwani ni dzithomba dzi sihidwego mafuni.”

1 Pedro 4:19

Khu guralo, ava va sanisekago khu guhaladza ga Nungungulu, va na ningele mihefemulo yawe ga Muvangi a tumbegidego, na va gu simama gu gira esi nya sadi.