Dzindzimo 39:6 - Bhibhiliya Nya Guage

⁶ Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Dzindzimo 39:6 Iomraidhean Croise

Joba 14:1

“Muthu a velegidwego khu nyamayi, matshigu yaye ma rode, na ma tade khu sigaradzo.

Joba 7:16

Nyi garade. Kha nyi nga gu khathala gambe khu womi wangu, kholu kha nyi na vbanya kala gupindruga. Nyi dige basi nyifa, kholu matshigu yangu ma vbede.

Joba 7:7

Alakanya gukhuwe womi wangu furugedzo nya phuvbo, maho yangu kha ma lireli gambe gu wona gutsaka.

Dzindzimo 127:2

Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Dzindzimo 144:4

Muthu a gu fanana ni phuvbo yi furugedzago, matshigu yaye nya guvbanye ma gu vbindra kha nga mutsa.

Dzindzimo 89:48

Ina khu mani a na gu vbanyago, nyamba fa? Mwalo muthu a dzi kodzago guya tshula hefemulo waye tshivbani nya gufe.

Mavingu 13:22

Muthu nya wadi a gu tshiyela thomba vatugulu vaye, gasi iyo nya sighohi, ya gu tshalela va nya gululama.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Mavingu 27:24

kholu dzithomba kha dzi simami, dzi ngu vbela, ni gihugu nya wufumu kha gi lumbi livelego latshavbo.

Muhevbudzi 1:14

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Muhevbudzi 11:10

Khu guralo, dusa gugaradzega gwa monyoni gwago, u hambana niso si na gu tshanisago mili wago, kholu wanana ni wudzaha gu dzi pfhadza, kha si phasi gilo.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Muhevbudzi 12:8

Gu dzi pfhadza, nya gu dzi pfhadze, a di ganela kharato Muhevbudzi, khuye: Satshavbo gu dzi pfhadza.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 2:8

Nyi hengeledzede gambe ndralama ni parata, ni thomba ya vafumeli nya sipandrengulu; nyi dzi hathede vaembeleli nya vama ni vanyamayi, ni iso si tsakisago vathu, a gu vagadzi nya vangi.

Muhevbudzi 5:14

Thomba yeyi ya gu luza khu mhango nya gukari wugwewoni gwaye, ambari na velegide gyanana gya gu tshala nyambana gilo.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Luka 12:26

Olu mu tandrwago khu gu gira silo nya sidugwana mwa gu dzi garadzela ginani khu simbe.

Luka 12:29

Mu nga garadzegi khu gilo mu na hodzago nigyo mu na selago; mu nga vbwetini gu siti soso.

1 Vakorinto 7:31

ni ava va thumisago dzithomba nya mafu, nga khwatshi kha va dzi thumisi. Kholu makhalelo nya mafu yaya ma ngu vbindra.

Jakobe 4:14

Enu kha mu dziti gukhenu mu na wuga kharini mindru! Kholu womi wu khade kha nga hunguva yi dugago khu guvbiredza, yi vbindra nyamba hwela.

Jakobe 5:3

Ndralama ni parata yanu si pfhurede. Gupfhurela gogu gu na khala fakazi nya gu mi wugele kha nga nilo, gu hodza sivili sanu. Enu, mu wungedzede dzithomba ga matshigu yaya nya guhegise.

1 Pedro 1:24

Kha nga yi ganelago Milowo nya Guage: “Vathu vatshavbo va khade kha nga mwasi wa thembweni, ni gungangamela gwawe gu khala nga genge nya mwasi; mwasi wa gu banga, senge sa gu thega.

1 Pedro 5:7

Vegani avbo gwaye sigaradzo sanu satshavbo, kholu uye a ngu mi khathalela.