Dzindzimo 38:6 - Bhibhiliya Nya Guage

⁶ Nyi nogide ngudzu nyi gamega guvbindra pimo, litshigu latshavbo nyi gimbila na nyi gu lila.

Dzindzimo 38:6 Iomraidhean Croise

Joba 30:28

Nya gu gimbila gidemani nyamba wona safa nya lidambo, nyi ema vbakari nya tshangano, nyi lomba gu phasedzedwa.

Joba 7:5

Mili wangu wu tade khu ndzilo ni siwungu, lidowo langu li tade khu silondra ni wusila.

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Dzindzimo 145:14

Pfhumu Nungungulu a ngu tiyisela avo va kanakanago, a gu wusa avo va rerekago va thega.

Dzindzimo 31:10

Kholu womi wangu wu ngu vbela khu gusaniseka, myaga yangu khya gu dilela; tshivba yangu yi ngu vbunguga khu wumbwa ni marambo yangu ma khuyugede.

Dzindzimo 35:14

nyi di gira bwelebwele guya va holela nga khwatshi nya gu tshanisekela pari mwendro ndriyangu; nyi lila, nyi noga vbavbatshi nga uye a lilago mayi waye.

Dzindzimo 42:5

Uwe monyo wangu, khu ginani u khuvekidego? Wa gu vbisega khu ginani ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu.

Dzindzimo 42:9

Nya gu vbweta gu mu embela, kheni: “Uwe Nungungulu, muvhikeli wangu, khu ginani u nyi digidego? Khu ginani nyi na gimbilago na nyi gu vbisega ni gu tshaniswa khu valala vangu?

Dzindzimo 43:2

Ina, kholu uwe u Nungungulu muvhikeli wangu. Khu ginani u nyi digago? Khu ginani nyi khala nga gisiwana, nyi saniswa khu valala vangu?

Dzindzimo 57:6

Valala vangu va nyi riyede naphwi khavo va na nyi mola; va kembide liphala ndzilani gwangu, aholu va thegede umo avo vamune.

Dzindzimo 6:6

Nyi vbede tshivba khu gu lila, marongo yangu ma gu goga wutshigu watshavbo nyi naganisa lidawu langu ni gikhuledzo.

Dzindzimo 88:9

Maho yangu ma garade khu gu lila; matshigu yatshavbo nya gu lombelela gwago, na nyi gu khusedza mandza.

Isaya 38:14

Nyi di gu lila kha nga ndrewulewu, nyi tsikwila gu fanana ni lituva; maho yangu ma di garala khu gu khedza vbatshani; uwe Pfhumu, nyi womo gu garadzegani, nyi phase wuvini momu.