Dzindzimo 38:4 - Bhibhiliya Nya Guage

⁴ Kholu mithumo yangu nya guvivbe yi tade, yi langaladza hungo wangu; yi ngu nyi gikha kha nga rwalo nya gulemele.

Dzindzimo 38:4 Iomraidhean Croise

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Joba 33:19

Pfhumu a ngu tsayisa muthu a mu ladzisa vbadawutunu khu gu dwala, marambo yaye ma vbisa nyamba degula;

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Dzindzimo 40:12

Nyi randredwe khu dzimhango nyambana tengo; mithumo yangu nya guvivbe yi nyi gamide nyamba kodza ni gu hapfhula nyi wona, yingi ngudzu guvbindra ndzudzu wa hungoni gwangu, nya gu dzipwa na nyi vbede tshivba.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Gililo 1:14

Rwalo nya sighoho sangu wu ngu nyi lemela. Pfhumu hungide nyandra khu mandza yaye a yi handzega magatani gwangu, nyi rereka nyi vbela tshivba. Pfhumu a di nyi ningela mawogoni ga va nya tshivba nyi si kodzi gu khuga. Samec

Levhi 7:18

Ya gu kala nyama yakone nya phaso wowu yi hodzwa khu muthu, hwane nya gu bani na gu vbindride matshigu mararu, oyu a wu bikelago, gima kha na nga hakha makategwa; phaso waye wu na bani wu nyenyezide, oyu a hodzago nyama yakone a na rwala nandru waye.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.