Dzindzimo 37:8 - Bhibhiliya Nya Guage

⁸ Diga likhulo, u nyenya khorodza, u nga khali likhulo u nga ghoha.

Dzindzimo 37:8 Iomraidhean Croise

1 Dzipfhumu 11:22

Aholu Faro, a di mu phindrula, khuye: “Ginani gi gu kenelelago avbo gwangu, gukala u vbweta gubwelela tigoni gwanu?” Uye a di hakha, khuye: “Kha nyi hamugi gilo, aholu nya guvbweta gu bwelela.”

Joba 18:4

Uwe u dzi vbadzulelago khu likhulo lago! Ina litigo li na khala giwula khu kotani yago, gani? Mwendro siwindri si na sigudwa wulanga wawe, na?

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Dzindzimo 116:11

Khu gu vbela tshivba nyi di kala nyi ganela, kheni: “Vathu vatshavbo kha va tumbegi.”

Dzindzimo 31:22

Eni, vbakari nya gudilele gwangu, nyi di, kheni: “Nyi dusidwe nyi vegwa hwindzo nya maho yago.” Aholu uwe u di yingisa lito nya gilombo gyangu, gikhati nyi nga lila nyi gu rana.

Dzindzimo 73:15

Nari pwani nyi di landrisela maganelelo yawe, na nyi khulugiside vathu vago.

Mavingu 14:29

Muthu nya litimiselo a na ni mapimo, aholu uye nya gihafane a gu vbiredzela gu yeyedza wupumbu waye.

Mavingu 16:32

Uye a hwelago gu goroga, a ngu vbindra ndrena, ni muthu a kodzago gutimisela a guvbindra uye a phangago lidhoropa.

Jona 4:1

Khu kotani nya isoso, Jona kha nga tsaka, a di swihala a vbisega.

Jona 4:9

Khavbo avbo, Nungungulu a di embela Jona, khuye: “Ina wa gu pimisa gukhuwe u na ni fanelo nya gugoroge khu khungu yoyu, gani?” Uye a di hakha, khuye: Nyi ngu yela nyi manega ni giviti kala nyifa.

Vaefeso 4:26

Mwa gu mana gigaradzo monyoni, dzi woneleni, mu nga digi gugaradzega gwanu gu khala gighoho. Likhulo lanu li nga hweli kala mu gu pfoledwa khu lidambo mu ngari nalo.

Vaefeso 4:31

Fuvisani vbakari gwanu dzitshikwi, likhulo, gigaha, ligwaha ni milembo, gumogo ni guvivba gwatshavbo.

Vakolosi 3:8

Olu gu vbwetega mu tshulega ga satshavbo soso, mu nyenya dzizanga, ni likhulo, ni ndrwadza, ni milembo, ni magana nya gunyenyeze ya kanani gwanu.