Dzindzimo 37:4 - Bhibhiliya Nya Guage

⁴ Vega ga Pfhumu Nungungulu gutsaka gwago, uye a na gu ninga gugola nya monyo wago.

Dzindzimo 37:4 Iomraidhean Croise

Joba 22:26

Khavbo u na manago gutsaka ga Uye nya Tshivba Yatshavbo, u bwelo khavbo u khusedza khovbe yago u khedza Nungungulu khu gitumbo.

Joba 27:10

Mwendro muthu nya guvivbedwe khu monyo, a na salalegisa Uye a gu ni Tshivba Yatshavbo, gani? Mwendro a na lombelela ga Nungungulu gikhati gyatshavbo, gani?

Joba 34:9

Kholu ganede, khuye: Muthu a gu gola Nungungulu, gi mwalo a wuyedwago khigyo.

Dzindzimo 104:34

Gupimisa gwangu gu na tsakise Uye, eni nyi na nengela ga Pfhumu Nungungulu.

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Mavingu 10:24

Muthu nya guvivbedwe khu monyo a na thegela ga igyo a gi thavago, aholu muthu nya gululame, Nungungulu a na mu ninga iso a si vbwetago.

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Isaya 58:14

khu guralo, u na mana gutsaka ga Pfhumu Nungungulu, nyi na gu khadzisa vbatshani nya sigomo u zundzega, nyi gu gira u khala gihodzathomba ya babe wago Jakobe; kholu Pfhumu Nungungulu a ganede khu likana laye.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 15:7

Mwa gu khala ni eni, ni gu landrisani magana yangu, satshavbo iso mu na lombago mu na ningwa.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.