Dzindzimo 37:3 - Bhibhiliya Nya Guage

³ Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 37:3 Iomraidhean Croise

Genesi 26:2

Pfhumu Nungungulu a di dzi wonegisa gwaye a mu embela, khuye: “U nga releli tigoni ga Egipito, khala tigoni nyi na gu nonedzago.

Genesi 26:3

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

1 Dzipfhumu 19:6

Eliya a di khedzisa maphuvbo yatshavbo, a wona gibaba nya guvawudwe vbatshani nya magala ni khokho nya mati mihungotunu gwaye. Uye a di hodza ni gu sela, a lala gambe.

Dzindzimo 26:1

Nyi lamule, Pfhumu Nungungulu, kholu nyi lulamide guvbanyani gwangu; nyi ngu tumba Pfhumu Nungungulu nyamba kanakana.

Dzindzimo 33:19

gasi a vbulugisa lufuni mihefemulo yawe, ni gu va vbanyisa gikhatini nya ndzala.

Dzindzimo 4:5

Ningelani miphaso nya gululame, mu tumba Pfhumu Nungungulu.

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Mavingu 3:5

Tumba Pfhumu Nungungulu khu monyo wago watshavbo, u nga tumbi basi wugengeli wago!

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Luka 22:35

Jesu a di engedza gambe, khuye: “Gikhati nyi nga mi rumelani nyambana gipatsi, nyambana rava, nyambana silato, gyomo gi nga mi kenelelago, gani?” Vapostoli va di hakha, khavo: “Gi mwalo gi hi keneledego.”

Dhewuteronome 30:20

U na gola Pfhumu Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli Pfhumu Nungungulu a sambanyidego ga vababe vago, Abrahama, Isaki ni Jakobe.

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.