Dzindzimo 36:9 - Bhibhiliya Nya Guage

⁹ Kholu gibuga nya womi gyomo gwago; khu wenengedzo wago, hi ngu wona guwonegela.

Dzindzimo 36:9 Iomraidhean Croise

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Joba 29:3

Gikhati mwenge waye wu nga bani wu wenga hungoni gwangu, ni gikhati nyi nga bani nyi gimbidziswa khu mwenge waye gidemani!

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Isaya 12:3

Enu, na mu tade khu gutsaka, mu na ya rega mati sifefeni nya guvbanyise.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.