Dzindzimo 36:2 - Bhibhiliya Nya Guage

² Kholu a gu dzi pfhadza abune afela gumba tugula ni gu nyenya guvivba gwaye.

Dzindzimo 36:2 Iomraidhean Croise

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 49:18

Na gu vbanya a di dzi tsakisa abune, khuye: “Va ngu gu zundza kholu silo sago satshavbo si ngu gimbila gwadi,”

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Jeremiya 2:23

U na ganela kharini gukhuwe: Eni kha nya dzi nyenyezisa; ambari gu khozela vanungungulu nya Vabhahali? Nga alakanya idzo u nyi ghohedego khidzo kovani, nga khedza iso u giridego; wa gu tutumatutuma gu fanana ni ngameriya nya mbiri yi vbwetago matune,

Jeremiya 36:24

Mufumeli ni manganagana yaye, ambari avbo va ngapwago magana yaya, kha va thurugiswa khayo va pferula dzingandzu dzawe va lila.

Luka 10:29

Aholu muhevbudzi nya Nayo khu gu vbweta gu dzi vhikela, a di wudzisa, khuye: “Gasi khu mani muthu khwathu?”

Varoma 10:3

Kholu kha va pimi ndzila ya Nungungulu a ningago khiyo vathu gululama mahoni gwaye. Avo va gu dzi garadza khu magirelo yawe, aholu va diga gulandra ndzila yi vegisidwego khu Nungungulu.

Varoma 3:9

Hi na khethu ginani olu? Ina ethu hi vathu nya wutshukwana guvbindra vambe, gani? Ahihi. Kha nga nyi ngari gu mi yeyedzago, Vajudha gumogo ni avo va si gu Vajudha, vatshavbo va fumedwe khu gighoho.

Varoma 7:9

Gyomo gikhati eni nyi nga vbanya nyambana Nayo. Aholu gikhati wu nga dugago Nayo, gighoho gi di phela gu vbanya,

Dhewuteronome 29:19

Pfhumu Nungungulu kha na nga dzumela gu mu tsetselela; gambe li na engedzelana gu khondra likhulo la Pfhumu Nungungulu ga muthu yoyu, sitsayiso satshavbo si lovidwego libhukuni momu, si na thegela vbatshani gwaye. Pfhumu Nungungulu a na futa lina laye mafuni.