Dzindzimo 34:8 - Bhibhiliya Nya Guage

⁸ Lingani mupwa edzi Pfhumu Nungungulu a gu wadi khidzo; kategide wule a thavelago avbo gwaye.

Dzindzimo 34:8 Iomraidhean Croise

Genesi 48:16

ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

Dzindzimo 119:103

Idzo ma tshambago khidzo mahungu yago kanani gwangu! Ma gu lombela ngudzu guvbindra wulombe.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 36:10

Thawuludza wuwadi wago ga vale va gutigo, ni nayo wago ga vale nya myonyo yi lulamidego.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Dzindzimo 63:5

Nya gu dzipwa gutsaka gukhwatshi nyi di khura khu guhodza nya gunone, nyi na womba mikulungwane nya gutsake nyi gu rungudza.

Dzindzimo 84:12

Pfhumu Nungungulu nya Tshivba Yatshavbo, va kategide avo va tumbago uwe.

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Jeremiya 31:14

Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Dhaniyeli 3:28

U lamude khu gululama ga satshavbo U hi giredego, ni ga satshavbo U giredego lidhoropa nya guage la vababe vathu, Jerusalema; si di girwa khu gulamula gwago nya gululame, gu kala u hi ninga tsayiso yatshavbo yeyi, kotani nya sighoho sathu.

Zakariya 9:17

Kholu wudhumo wawe wu na bani wuri wukhongolo ngudzu! Ni gumbura gwawe gu na bani guri gukhongolo ngudzu! Tirigu ni wuuvha nya dosi si na dandrisa madzaha ni dzimbiri.