Dzindzimo 34:3 - Bhibhiliya Nya Guage

³ Rungudzani Pfhumu Nungungulu gumogo ni eni, hi na khusedze lina laye ethu hatshavbo.

Dzindzimo 34:3 Iomraidhean Croise

1 Dzikoronika 16:10

Dhumisani lina laye nya gukatege, yi na nengele myonyo ya vale va vbwetago Pfhumu Nungungulu!

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 29:30

Khavbo avbo, mufumeli Ezekhiya, a di embela vakhongolo, ni va na Levhi, gukhuye va na rungudze Pfhumu Nungungulu, khu magana ya Dhavhidhe ni ya Asafe, mutuguli nya siwoniso. Va di rungudza na va tsakide, va nogisa dzithamo va khozela.

Dzindzimo 35:27

Va na embelele va nengela, avo va dwanelago gululama gwangu, va na ganele gikhati gyatshavbo, khavo: “A na rungudzwe Pfhumu Nungungulu, a tsakiswago khu gu dugelela ga githumi gyaye!”

Dzindzimo 40:16

Va na nengele va tsaka khu uwe vatshavbo avo va gu vbwetago; avo va golago guvbanyisa gwago va na nengele gikhati gyatshavbo, khavo: “A na khusedzwe Pfhumu Nungungulu.”

Dzindzimo 66:8

Enu va nya mayigo, bongani Nungungulu wathu; gu na pwale lito la avo va mu dhumisago;

Dzindzimo 69:30

Nyi na embelela nyi dhumisa lina la Nungungulu khu dzindzimo, nyi mu khusedza khu ndzimo nya gubonge.

Dzindzimo 69:33

kholu Pfhumu Nungungulu a ngu yingisa dzikhulungu kha divali vale va tshaniswago mapasoni.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Jeremiya 9:24

gasi uye a vbwetago gu dzi zundza, a na dzi zundze khesi: A ngu yela gu nyiti ni gukhuye eni kheni Pfhumu Nungungulu nyi girago wuhindzi, ni gu lamula khu gululama omu mafuni; kholu khiso si nyi nengedzisago; a ngu ganela Pfhumu Nungungulu.

Luka 1:46

Khavbo avbo, Mariya a di khuye: “Hefemulo wangu wu ngu rungudza Pfhumu,

Mithumo 19:17

Vathu vatshavbo va Efeso Vajudha ni Vagreki va dipwa mahungu yaya, va gu tala khu hwanga va gu rungudza lina la Pfhumu Jesu.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Gutuledwa 14:7

Ngilozi yi di huwelela khu tshivba, khigyo: “Ningani githawo Nungungulu, mu dhumiseni kholu gi vbohide gikhati gyaye nya gulamule! Khozelani Muvangi nya ndzadzi ni mafu ni linene ni sifefe nya mati.”