Dzindzimo 33:6 - Bhibhiliya Nya Guage

⁶ Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Dzindzimo 33:6 Iomraidhean Croise

Genesi 1:1

Guhegulani Nungungulu a di vanga ndzadzi ni mafu.

Genesi 1:6

Nungungulu a di khuye: “Gu na manege ndrengelenge vbakari nya mati, yi hambanisa aya ya vbatshani ni aya ya vbavbatshi.”

Genesi 2:1

Wu di vbela kharati thumo watshavbo nya guvange ndzadzi ni mafu ni satshavbo si guromo umo.

Genesi 2:7

Khu guralo, Pfhumu Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

Joba 26:13

Khu Liphuvbo laye mburiside ndzadzini, a songa mwamilambo khu tshivba nya libogo laye.

Joba 33:4

Kholu Liphuvbo la Nungungulu, khilo li nyi wumbidego, furugedzo wa uye nya Tshivba Yatshavbo, wu nyi ningide guvbanya.

Dzindzimo 104:30

Wa gu rumela liphuvbo lago, sa gu wuya si vbanya, u wusedza kharati khovbe nya litigo yi khala yiphya.

Dzindzimo 33:9

Kholu uye a di ganela, si girega satshavbo; uye a ruma, satshavbo si girega.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Johane 20:22

Na ganede esi, a di va furugedza, khuye: “Hakhani Liphuvbo nya Guage.

Varoma 1:25

Va digide gu landrisa lisine la Nungungulu, va gu landrisela malipha. Va khozede ni gu thumela sivangwa, va diga gu khozela ni gu thumela uye mune Muvangi, uye a gu ni fanelo nya bongwe kala gupindruga. Amen!

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.

Vahebheru 11:3

Khu gukhodwa, hi ngu pima gukhethu litigo li vangidwe khu lito la Nungungulu, esi si wonegago si vangidwe khu esi si si wonegigo.

2 Pedro 3:5

Vapoyili vovo va gu hangwa khu gukhavo matshigu ya gale, Nungungulu a di ganela, guvangwa ndzadzi ni mafu. Litigo li di duswa khu matini, li gu wumbwa vbakari nya mati khu lito la Nungungulu.