Dzindzimo 33:16 - Bhibhiliya Nya Guage

¹⁶ Mwalo mufumeli a dzi vbanyisago khu talo nya dzinyimbi dzaye; ambari ndrena gu dzi vbanyisa khu tshivba yaye nya yikhongolo.

Dzindzimo 33:16 Iomraidhean Croise

1 Dzipfhumu 20:10

Bheni-Hadhadhi a di engedza a rumela myango guya embela Akabi, khuye: “Vanungungulu va na nyi vete khu tshivba nya yikhongolo, kudzudzwane wa Samariya wa gu enedza gu tadza mandza ya vadwani nya nyimbi va nyi landrelago.”

1 Dzipfhumu 20:15

Khavbo avbo, Akabi a di sayela madzaha ya vathangeli nya sipandrengulu, a mana mazana mavili ni magumararu na vavili (232) vama. Khu hwane nya ava, a di sayela satshavbo sanana sa Israyeli, a mana na siri livbandre na mavili magumi mazana (7000) vama.

2 Dzikoronika 13:8

Olu mu ngu pimisa gukhenu mu na dugelela ga mufumo wa Pfhumu Nungungulu, gani? Hi ngu dziti gukhethu enu mu gidzemo nya gingi, gambe mu na ni vanungungulu nya simombyana nya ndralama, esi Jerobhowamo a mi giredego.

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

2 Dzikoronika 20:23

Kholu va na Amoni, ni va na Mowabhi, va di wugela vavbahi va gigomoni gya Seyiri, va di saselana khu gyawe.

2 Dzikoronika 32:21

Khavbo avbo, Pfhumu Nungungulu a di rumela ngilozi yi ta sasela vama vatshavbo nya dzindrena, manganagana, vathangeli, lizumboni la mufumeli wa Asiriya. Khavbo avbo, uye a di bwelela tigoni gwaye khovbe yaye na yi tade khu dzitshoni; avbo a nga bani na gu bela nyumbani ga vanungungulu vaye, sanana nya gudugele mahembeni gwaye, si di dzegela gu mu songa khu litshari vbamwanyatunu.

Joba 36:7

Kha pfhurareli va nya gululama, aholu a gu va vega ni vafumeli vbagikhalotunu nya wufumu; a va khusedza kala gupindruga.

Joba 39:11

U na yi tumba khu kotani nya tshivba yaye nya yikhongolo, gasi yi gu limela mahange u ma vbwetago, gani?

Dzindzimo 20:8

Avo va gu tshunganela va thega; ethu ha gu khuga hi ema na hi tiyide.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Ekisodha 14:28

Kholu gikhati ma widego mati, ma dita khubhunyeta dzikareta, ni vakhileli nya dzikavalu, ma gu langaladza mabutho yatshavbo nya nyimbi ya Faro ma nga belago phwani ma landra sanana sa na Israyeli. Mwalo ni moyo basi a nga tshalago.

Muhevbudzi 9:11

Nyi di bwelo khavbo nyi wona gambe mafuni momu, kheni: Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.

Jeremiya 48:14

Mwa gu ganela kharini mu gukhenu: “Ethu hi dzi ndrena ni vathu nya tshivba nya gudwane nyimbi?”

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Hoseya 10:13

Mu yade manyala, mu ngu vbwera guvivba, mu hodza handro nya malipha, kholu enu mu di tumba tshivba yanu mwabune, ni talo nya dzindrena dzanu.

Amosi 2:14

Muthu nya mazambo kha na vbuluga, ambari muthu nya tshivba a na vbeledwa khu tshivba, ni ndrena kha yi na vbulugisa womi waye.

Amosi 2:15

Uye a gu ni wulaho kha na nga emega gwadi, muthu nya mazambo kha na dzi vbulugisa ni mukhileli nya kavalu kha na vbulugisa womi waye.

Josuwa 14:12

Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.

Valamuli 7:2

Pfhumu Nungungulu a di embela Gidhiyoni, khuye: “Uwe u na ni vathu nya vangi ngudzu gasi gu eni nyi ningela Vamedhiyani mandzani gwago; gasi va na Israyeli va si dzi khusedzi gwangu, va ganela, khavo: Va di vbulugiswa khu tshivba yawe.

Valamuli 7:4

Pfhumu Nungungulu a di engedza a embela Gidhiyoni, khuye: “U ngari ni vathu nya vangi; relela navo vbafuvbi ni mati, avbovbo nyi naya va vbungula; avo u na gu tshalago navo, nyi na ganela, kheni: Oyu a na hongola nago, u yoyo a nga hongoli nago; khu guralo vatshavbo vale nyi na gu embela kheni oyu a nga hongoli nago, u yoyo kha na hongola.”

1 Samuweli 17:4

Mudwani moyo nya nyimbi a ranwago pwani khu Gholiya, a nga bani ari wa lihundzu la Gati, a dita khu lizumbotunu la Vafilisitiya, a diri mwama nya gulaphe nya guvbwete gu enedza mikono miraru.

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.