Dzindzimo 30:1 - Bhibhiliya Nya Guage

¹ Eni nyi ngu gu khusedza, Pfhumu Nungungulu, kholu u nyi vbanyiside, khwa diga valala vangu va ghiya hwamboni gwangu.

Dzindzimo 30:1 Iomraidhean Croise

2 Samuweli 20:3

Avbo Dhavhidhe a nga vboha gaya gwaye Jerusalema, mufumeli a di dzega sibhayi saye nya likhumi sile a nga bani a si tshide gu si sayisa ndranga yaye, a di si vega nyumbani nya gukari, a si sayisa ni gu si hodzisa; aholu uye gima kha nga tshangana navo malawu, a di va segela umo kala litshigu nya gufe gwawe, na va vbanya kha nga dzinoni.

2 Samuweli 24:25

Dhavhidhe a di vbaha vbale, giluvelo gya Pfhumu Nungungulu, a ningela avbo miphaselo nya guvbiswe, ni miningelo nya gurule. Khavbo avbo, likhulo la Pfhumu Nungungulu li di bosa, tigoni gu vbela tungu wule a nga reselago va na Israyeli.

2 Samuweli 5:11

Hiramo, mufumeli wa Tiro, a di rumela myango ga Dhavhidhe, ni mapulango nya sena, ni vameseri nya guvate ni vavbahi, va ta vbahela nyumba Dhavhidhe.

2 Samuweli 6:20

Avbo Dhavhidhe a nga wuyago gaya gwaye gasi guta kategisa ndranga yaye, Mikali, nyamahegyane wa Sawule, a di duga, a khinga Dhavhidhe, a mu embela, khuye: “Wuzundzo muni a dzi zundzidego khuwo muhuno uye mufumeli wa Israyeli! Gu kala a funungula wutumbu waye mbeli ga sithumi nya vanyamayi sa sithumi saye, gukhwatshi muthu nyambana mapimo!”

2 Samuweli 7:2

mufumeli a di ganela ni muprofeti Natani, khuye: “Nga wona, eni nya gu khala nyumbani nya gwadi nya sedhari, aholu Ngasa ya Pfhumu Nungungulu yi khala Tshatshani.”

1 Dzipfhumu 8:63

Solomoni a di ningela miphaso nya gurule; miphaselo a nga ningelago ga Pfhumu Nungungulu, a diri magumavili na mavili magumi mazana (22.000) nya dzimombe, ni lizana ni magumavili magumi mazana (120.000) dzinvuta; isoso khiso mufumeli ni va na Israyeli va nga agisa khiso Nyumba ya Pfhumu Nungungulu.

1 Dzikoronika 21:6

Aholu, va na Levhi ni va na Bhejami kha va nga sayedwa vbakari gwawe, kholu gileleto gegi gya mufumeli kha gya nga tsakisa Jowabhi.

Dzindzimo 13:4

Gasi nala wangu a nga ganeli, khuye: “Nyi mu pade,” vale va nyi nyenyago, va nga nengeli khu gu wona gupalega gwangu.

Dzindzimo 140:8

Pfhumu Nungungulu, u nga ningi va nya guvivba esi va si vbwetago; u nga dzumeli gukhuwe makungo yawe nya guvivbe maye mbeli, gasi va si ghiyi.

Dzindzimo 145:1

Nyi na gu dhumisa uwe, Nungungulu Pfhumu yangu; nyi ngu gu bonga kala gupindruga.

Dzindzimo 25:2

Nungungulu wangu, eni nya gu tumba uwe, nyi nga khali dzitshoni, valala vangu va nga nyi pali.

Dzindzimo 27:6

Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Dzindzimo 28:9

Vbanyisa vathu vago, kategisa thomba yago; va havise, u va hetedza kala gupindruga.

Dzindzimo 35:19

Valala vangu va nga nengeli khu gutshaniseka gwangu, ma nga khwavbigi maho ya vale va nyi zondrago nyambana nandru.

Dzindzimo 41:11

Kharati nyi na dziti nya gukheni u ngu tsaka khu eni; nala wangu a gumba ghiya kheni.

Dzindzimo 66:17

Eni nyi di mu rungudza khu dzindzimo nyi mu rana nyi lomba guphaswa.

Dzindzimo 79:10

Kholu mayigo ma na wudzisa, khayo: Womo hayi Nungungulu wawe? Yeyedza vathu vovo hi wona gu phodzela nya novba wa vathu vago va nga wu vbaladza.

Dzindzimo 79:4

Hi khade gihegiso ga vaakelane vathu, vale va nga hi randrela va hi hega ni gu hi tsorodzela.

Gililo 2:15

Vatshavbo vavbindri nya ndzila va gu khwakhwathela mandza va gu gu wona; va womba dzindrodzi ni gu kutsunga mihungo, khu kotani yago uwe nyamahegyane wa Jerusalema, khavo: “Khilo eli lidhoropa li nga bani li gu ranwa gupwani mburi yi vbeledego, gutsaka gwa tigoni gwatshavbo, gani?” Pheni

Dhewuteronome 20:5

Dzindruna dzi na ganela ga vathu khidzo: “Khu mani vbakari gwanu a vbahidego nyumba nya yiphya yi si gu khangudwigo? A na bwelele gaya gwaye, kholu a ngaya yafa nyimbitunu, nyumba yaye yi tshala yi khangudwa yi laledwa khu vambe, uye na fude.