Dzindzimo 29:3 - Bhibhiliya Nya Guage

³ Lito la Pfhumu Nungungulu li ngu pwala vbatshani nya mati, Nungungulu nya wudhumo a ngu zindza kha nga libara, Pfhumu Nungungulu a ngu wonega vbatshani nya talo nya mati.

Dzindzimo 29:3 Iomraidhean Croise

Joba 36:33

Libara laye la gu tivisa gingulu na gi ngari ndzilani, ni mitshambi niyo yi ngu muti a gu bani na guta.

Joba 40:9

U na ni tshivba yi fananago ni ya Nungungulu, gani? Lito lago li ngu kodza gu zindza gu fanana ni lito laye, gani?

Dzindzimo 104:3

U vbahide dzinyumba dzago matini ya vbatshani, u giride kareta yago khu mapfhi, u gimbila dzimbapini nya phuvbo.

Ekisodha 19:16

Khu litshigu nya wuraru, ni mambagugya, gu di dzuma mabara ni gulasa, vbatshani nya gigomo gu fenengedzwa khu lipfhi nya gusivbale, ni gudzuma nya gukhongolo nya pundru. Vathu vatshavbo va nga bani va romo lizumboni va di ndrendremela.

Ekisodha 9:28

Lombelelani ga Pfhumu Nungungulu, kholu hi garade, gasi gu si manegi gambe mabara ni maralala nya guthise ngudzu. Eni nyi na mi tshulani mu hongola nyamba himbedzedwa khu gilo.”

Ekisodha 9:33

Khavbo avbo, Mosi a di khuga mahoni ga Faro a duga vbavbandze nya lidhoropa. A di khusedza mandza ga Pfhumu Nungungulu; mabara ma di degula, ni ndzadzi nya maralala yi di khamuga, yi siwi gambe tigoni.

Johane 12:29

Gidzemo gi nga bani giromo vbale, na gi pwide lito leli, gi di, khigyo: “Ndzadzi yi dzumago.” Vambe va di khavo: “Girumwa gya Nungungulu gi nga ganelago naye.”

Mithumo 7:2

Sitefane a di mu hakha, khuye: “Vandriyangu ni vababe vangu, yingisani! Nungungulu nya wudhumo a dzi wonegiside ga babe wathu Abrahama na ngo gu vbanya Mesopotamiya, na si gu ruri aya khala Harani,

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Gutuledwa 16:18

Khavbo avbo, gu di lasa, gu pwala dzihuwa, gu dzuma mabara, gu handzamedza girevareva nya gu gima na gima gi di si gu wonwi khu muthu; a diri girevareva nya gikhongolo ngudzu.

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!

Gutuledwa 4:5

Gikhalo gegi gi di lasa ni gudzumadzuma, ni gu pandra mabara. Khu mbeli yi di khondrisidwe livbandre na mivili myenge, a gu livbandre na mavili maphuvbo ya Nungungulu.

Gutuledwa 8:5

Khavbo avbo, ngilozi yi di dzega gifugwana nya libani, yi tadza khu magala nya nilo wa vbagiluvelotunu, yi rinya tigoni. Gukhugela avbovbo, gu di dzuma mabara, gu lasa, bwelo khavbo gu manega girevareva.

1 Samuweli 7:10

Samuweli na nga gu ningela phaso nya guvbiswe, Vafilisitiya va di vboha vata dhumela va na Israyeli; Aholu Pfhumu Nungungulu a di pandra mabara nya tshivba litshigu lolo, Vafilisitiya va di hambanega wongo, va padwa va tutuma mbeli ga va na Israyeli.