Dzindzimo 28:5 - Bhibhiliya Nya Guage

⁵ Avo kha va khathali khu sile a giridego Pfhumu Nungungulu, ni sigiro nya mandza yaye; u na va fuvisa nyamba va wusedza gambe.

Dzindzimo 28:5 Iomraidhean Croise

2 Samuweli 7:13

Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

2 Samuweli 7:27

Kholu uwe Pfhumu nya Tshivba Yatshavbo, Nungungulu wa na Israyeli, u tiviside githumi gyago, khuwe: Nyi na gu vbahela nyumba. Khu kharato, githumi gyago gi tiyide hwambo gu gu girela nombelo yoyu.

1 Dzipfhumu 11:38

Wa gu yingisa satshavbo nyi na gu rumago, u gimbila khu dzindzila dzangu, u thuma mithumo nya gululame mbeli gwangu, u sayisa milayo ni sileletelo sangu, kha nga idzo a giridego githumi gyangu Dhavhidhe, Eni nyi na bani nyiri nago, nyi na gu vbahela nyumba yi tiyidego, kha nga nyi vbahedego Dhavhidhe, ni gu gu ninga Israyeli.

Dzindzimo 10:5

Gikhati gyatshavbo sigiro saye sa gu duga gwadi, kha theli kota khu gulamula gwago; a gu kanyisa valala vaye vatshavbo.

Dzindzimo 104:24

Uwe Pfhumu Nungungulu sigiro sago si tade! U si giride satshavbo khu guti ni mapimo, litigo li tade khu sigiro sago.

Dzindzimo 8:3

Nya gu khedza ndzadzini nyi wona sigiro nya mandza yago: Ngima ni dzinyeledzi u si vegidego malangani yawe,

Isaya 22:11

Mu giride gambe lidhamo vbakari nya mabhiyo ya mavili, gasi gu thela mati ma nga bani ma romo ga lidhamo la gale, aholu kha mwa khedza vbatshani, mu wona uye a si giridego, ambari gu khathala khu wule a si giridego galegaleyo.

Isaya 40:26

Khusedzani maho mu khedze vbatshani, mu wona. Khu mani a giridego silo sesi? Khuye a si hengeledzelago kha nga mabutho yaye nya dzinyeledzi, satshavbo a si rana khu malina yawe, khu mahungu nya wugulu nya tshivba yaye, ni gutiya nya mufumo waye, gimwalo gi na kenelelago.

Isaya 45:12

Kheni nyi vangidego mafu nyi bwelo khavbo nyi vanga muthu, a vbanya umo; nyi thawuludzide ndzadzini khu mandza yangu, nyi ninga nayo mabutho yaye yatshavbo.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 45:8

Khu vbatshani ndzadzini gu na thege mati, ni mapfhi ma na wise gululama; ma na tulege mafu, gu buga guvbanyisa, gumogo nago, gu duge gululama; kheni Pfhumu Nungungulu nyi vangidego isoso.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Mitengo 23:23

Olu gu mwalo wuloyi nya guwugele Jakobe, ambari wunyanga nya gufumbe Israyeli. Ga gikhati gyakone gu na ganedwa khu Jakobe ni Israyeli, pwani: Khu gevbini egi Pfhumu Nungungulu a ngamba gira gwago!”

Johane 12:37

Ambari ulo a nga gira siliwugiso nya singi mahoni gwawe, gima kha va khodwa gwaye,

Varoma 1:20

Kholu, makhalelo nyamba wonega ya Nungungulu, tshivba yaye nya gupindruge ni tumbunugo nya wu Nungungulu waye, si ngu wonegiswa gwadi gukhugela gu vangwa nya mafu, khu sigiro saye a si giridego. Khu kharato, va mwalo guditshedzwa.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.