Dzindzimo 27:9 - Bhibhiliya Nya Guage

⁹ U nga nyi siheli khovbe yago, u nga dzudzugi githumi gyago khu likhulo; uwe khuwe basi muphasedzeli wangu, u nga nyi digi, gambe u nga nyi hotshi, Nungungulu muvbanyisi wangu.

Dzindzimo 27:9 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 102:2

U nga nyi siheli khovbe yago nya gu bani nyi romo sigaradzoni; neredza ndzeve yago u nyi yingisa; vbiredza gu nyi hakha gikhati nyi gu ranago.

Dzindzimo 102:3

Kholu matshigu yangu, ma gu mwalalega khwatshi wutshi, ni marambo yangu ma vbide gukhwatshi magala.

Dzindzimo 119:121

Nyi sayiside nayo ni gululama, u nga nyi digi nyi thegela mandzani ga valala vangu.

Dzindzimo 13:1

Pfhumu Nungungulu, kala lini nu nyi divala sago? U na nyi divala muphelo, u nyi sihela khovbe yago, gani?

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Dzindzimo 24:5

Uyoyo a na hakha gikategiso gya Pfhumu Nungungulu, a na mana gu vhikedwa khu Nungungulu, muvbanyisi waye.

Dzindzimo 44:24

Khu ginani u sihago khovbe yago, u divala sisaniso ni wusiwana wathu?

Dzindzimo 51:11

U nga nyi rinyi hwindzo nya khovbe yago ambari gu nyi dusela Liphuvbo lago nya Guage.

Dzindzimo 69:17

U nga siheli khovbe yago eni githumi gyago, kholu nyi vbede tshivba; nyi hakhe khu guvbiredza.

Dzindzimo 69:18

Hidzimela vbafuvbi gwangu u nyi vbulugisa mandzani ga valala vangu.

Dzindzimo 88:1

Pfhumu Nungungulu ni muvbanyisi wangu, wutshigu ni mihani nyi ngu lila avbo gwago.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 59:2

Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

1 Samuweli 7:12

Khavbo avbo, Samuweli a di dzega giwindri a gi emisa khu vbakari ni vbakari ga Misipa ni Semi, a gi rana khuye Ebhenizeri, gutshamuselago gupwani: “Kala avba, Pfhumu Nungungulu a hi phaside.”