Dzindzimo 27:6 - Bhibhiliya Nya Guage

⁶ Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Dzindzimo 27:6 Iomraidhean Croise

Genesi 40:13

Hwane nya matshigu mararu, Faro a na gu tshula aya gu vega gambe wulanga wago thumoni gwago. U na ya ningela gambe gikombe gya Faro mandzani gwaye, kha nga idzo u nga bani u gira khidzo gale gwago.

Genesi 40:20

Khu litshigu nya wuraru, a nga bani ari buzo nya matshigu nya guvelegwe ga Faro, uye a di gira buzo a ramba valandreli vatshavbo vaye, vbakari nya buzo a di ranisa nuye muthangeli nya vatheledzeli nya sikombe vbamezatunu ni muthangeli nya vagiri nya mikati khu pasoni a va resa mbeli ga valandreli vaye.

2 Samuweli 22:1

Dhavhidhe a di embelela ga Pfhumu magana nya ndzimo yeyi, gikhati Pfhumu Nungungulu a nga mu vbulugisago mandzani ga valala vaye ni ga Sawule.

2 Samuweli 22:49

Uwe u ngu nyi vbulugisa ga valala vangu va tadego khu likhulo, u nyi khusedza ga vale va nyi wugelago u nyi tshudzisa ga vathu nya dzihanyi.

2 Samuweli 7:9

Eni nyi diri nago gwatshavbo umo u gimbidego khumo; nyi mbembiside valala vago mbeli gwago, nyi giride lina lago gukhwatshi lina nya vathu vakhongolo va guromo mafuni.

2 Dzipfhumu 25:27

Hwane nya esi, khu mwaga nya magumararu na livbandre na mivili nya gu khothedwe ga Jowakimi, mufumeli wa Judha, khu ngima nya likhumi na mivili, khu litshigu nya magumavili na livbandre na mavili, Evhili-Merodhaki, mufumeli wa Bhabhiloni, khu mwaga a nga phela khuwo gufuma; a di tshula Jowakimi a mu dusa khu pasoni.

1 Dzikoronika 22:18

“Ina Pfhumu Nungungulu wanu mwalo vbakari gwanu, gani? Kha mu ningani gurula khu maphuvbo yatshavbo, gani? Kholu a ningede mandzani gwangu vavbanyi va tigoni momu. Va ngu yela gufumwa khu Pfhumu Nungungulu gumogo ni vathu vaye.

Dzindzimo 107:22

Mu ningeni miphaso nya dzimhamba nya gubonge, mu tivisa mithumo yaye khu gutsaka.

Dzindzimo 110:7

Ndzilani mufumeli a na sela mati nya gibuga, ayo ma na mu ninga tshivba nya gupale.

Dzindzimo 119:108

Hakha Pfhumu Nungungulu nombelo wangu nya gubonge uwe, nyi hevbudze milayo yago.

Dzindzimo 138:5

Va na embelela va dhumisa sigiro saye, kholu wudhumo wa Pfhumu Nungungulu wukhongolo.

Dzindzimo 21:1

Mufumeli a ngu nengela khu tshivba yago; Pfhumu Nungungulu, a ngu tsaka khu guvbanyisa gwago! Kholu u mu ningide gupala.

Dzindzimo 21:13

Khuga khu tshivba yago Pfhumu Nungungulu, ethu khu dzingoma ni dzindzimo hi na rungudza tshivba yago.

Dzindzimo 3:3

Aholu, uwe Pfhumu Nungungulu, u gitshangu gyangu, khuwe wuzundzo wangu, khuwe u nyi khusedzago.

Dzindzimo 3:4

Nyi ngu khusa lito nyi rana Pfhumu Nungungulu, uye a ngu nyi hakha khu gigomoni gwaye nya gukatege.

Dzindzimo 47:1

Enu mahundzu yatshavbo, phaphatani mandza; embani ga Nungungulu khu mikulungwane nya gutsake.

Dzindzimo 57:8

Khendzuga, uwe hefemulo wangu! Gitendre ni hwambi, wugani! Nya gu vbweta gu wusa Wuronga.

Dzindzimo 81:1

Embelelani hi tsakela Nungungulu wathu; mu womba mikulungwane hi tsakela Nungungulu wa Jakobe.

Dzindzimo 95:1

Deluni hita dhumisa Pfhumu Nungungulu, khu mikulungwane, hi na embelele hi rungudza Giwindri nya guvbanyiswe gwathu.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Jeremiya 31:7

Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Vahebheru 13:15

Khu guralo, hongoleni hi rungudze Nungungulu khu Jesu. Rungudzo yoyo i mhamba hi ningelago, yi ningedwago khu magana ma rungudzago lina laye.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.