Dzindzimo 27:14 - Bhibhiliya Nya Guage

¹⁴ Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 27:14 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

Dzindzimo 130:5

Hefemulo wangu wa gu tumba uwe Pfhumu Nungungulu; eni nya gu lirela magana yago.

Dzindzimo 138:3

Litshigu nyi nga lila gwago, u nyi hakhide; u engedzela tshivba nya hefemulo wangu.

Dzindzimo 25:21

Lisine ni gululama si na nyi sayise; kholu eni nya gu tumba uwe Pfhumu Nungungulu.

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 31:24

Tiyani, mu tiyisa myonyo yanu, enu mwatshavbo mu tumbago Pfhumu Nungungulu.

Dzindzimo 33:20

Mihefemulo yathu ya gu khevisela Pfhumu Nungungulu, khuye muphasedzeli ni muvhikeli wathu.

Dzindzimo 37:34

Tumba Pfhumu Nungungulu, u landrisa ndzila yaye; uye a na gu khusedza a gu ninga gu fumela litigo, u na wona gumbemba gwa va nya guvivba.

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Dzindzimo 40:1

Nyi tumbide Pfhumu Nungungulu khu monyo wangu watshavbo; Uye a di noga a nyi yingisa gikhati nyi nga lomba giphaso.

Dzindzimo 62:1

Hefemulo wangu wa gu mana gurula ga Nungungulu basi; guvbanyiswa gwangu gwa guta khiyo gwaye.

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Mavingu 20:22

Wa gu giredwa guvivba khu muthu u nga ganeli, khuwe: “Nyi na phodza!” Tumba Nungungulu, uye a na gu phasa.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Gililo 3:26

Khu guralo, gwadi muthu gu rudzisa monyo a khevisela guvbanyisa gwa Pfhumu Nungungulu.

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 2:38

Uye nuye a di vboha khu gikhati gile, a di dhumisa Nungungulu gumogo ni gu ganela khu gyanana gile ga vatshavbo va nga bani va gu lindrela guvbanyiswa ga Jerusalema.

Mithumo 28:15

Vakhodwa va Roma, na va dzitide gukhavo hi ngu hongola iyo, va di hi khinga tandralani wa Apiyo ni eyi gu ranwago pwani “Dzinyumba Dzitharu.” Na va wone Pawulo, va di rungudza Nungungulu, va tiya longo.

Varoma 8:25

Aholu, ha gu tumba silo nyamba si wona, hi na si lindrela khu gutimisela.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

Vaefeso 3:16

nyi mu lomba gukheni, khu gutala nya wufumu waye, a mi tiyise myonyoni gwanu khu tshivba nya Liphuvbo nya Guage.

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

Vafilipi 4:13

Nyi ngu kodza gupala satshavbo tshivbani ya wule a nyi tiyisago.

Vakolosi 1:11

Ha gu lomba ga Nungungulu a mi tiyisa khu tshivba yaye nya yikhongolo, mu kodze gutsarama siloni satshavbo khu gutimisela ni gutsaka.