Dzindzimo 26:8 - Bhibhiliya Nya Guage

⁸ Pfhumu Nungungulu, eni nyi ngu gola wumburi nya Nyumba yago, ni wulanga wu wonegago avbo wudhumo wago.

Dzindzimo 26:8 Iomraidhean Croise

2 Samuweli 15:25

Khu guralo, mufumeli a di embela Sadhoki, khuye: Bweledza dhoropani Ngasa nya Gidzumeledzwano ya Nungungulu. Nya gu mana wuhigo mbeli ga Pfhumu Nungungulu, uye a na nyi bweledza nyaluphye nyi ya yi wona ni gu wona nyumba yakone.

1 Dzikoronika 29:3

Vbavbandze nya satshavbo nyi dongisedego, nya guvbahe khiso Nyumba ya Nungungulu wangu, eni nyabune nyi ngu dusa ningelo wangu nya ndralama ni parata nyi gu naso nyi ngu ningela gasi si lumba Nyumba ya Nungungulu wangu, vbavbandze ga satshavbo nyi dongisedego gu vbaha Nyumba ni Wulanga nya Guage:

2 Dzikoronika 5:14

avbo vaphasi nya mhamba, va nga tandrega ni gu ema umo va gira thumo nya wukhozeli khu kotani nya lipfhi; kholu wudhumo wa Pfhumu Nungungulu wu di tadzide Nyumba ya Nungungulu.

2 Dzikoronika 7:1

Avbo Solomoni, a nga vbedzago gu lombelela, wu di relela nilo khu ndzadzini wuta vbisa nyama nya miphaso nya guvbiswe ni yimbe miphaso, wudhumo wa Pfhumu Nungungulu, wu di tadza Nyumba yatshavbo.

2 Dzikoronika 7:2

Khu guralo, vaphasi nya mhamba kha va nga kodza gubela Nyumbani ga Pfhumu Nungungulu, kholu wudhumo waye wu di tadzide Nyumbani gwatshavbo.

Dzindzimo 122:9

Khu kotani nya lihaladzo nya Nyumba ya Pfhumu Nungungulu wathu, nyi na gu lombela makategwa.

Dzindzimo 42:4

Nya gu alakanya silo sesi; hefemulo wangu wa gu lila na nyi gu alakanya gukheni nyi di gu gimbila kharini ni gidzemo; nyi gi thangela Nyumbani ga Nungungulu, khu magana nya litsako gumogo ni gu dhumisa; gidzemo gi sayisago matshigu nya simotse.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Isaya 38:20

Pfhumu Nungungulu dzude a ta nyi vbanyisa; khu guralo, nyi na embelela dzindzimo khu sitendre sangu, matshigu yatshavbo nya gu vbanye gwathu, hi na gu dhumisa Nyumbani ga Pfhumu Nungungulu.”

Isaya 38:22

Khavbo avbo, Ezekhiya a di va wudzisa, khuye: “Khu gevbini giyeyedzo gyakone nyi na khodwago khigyo kheni nyi na gwela nyiya Nyumbani ga Pfhumu Nungungulu?”

Ezekiyeli 3:12

Khu hwane, Liphuvbo li di nyi khusa, nyi dipwa lito nya gukhugege khu hwane gwangu na li gu, khilo: “Wu na rungudzwe wudhumo wa Pfhumu Nungungulu, gukhugela wulangani gwaye!”

Luka 2:46

Hwane nya matshigu mararu va diya mu mana Nyumbani ga Nungungulu na khade vbakari nya vahevbudzi nya Nayo a va yingisa gumogo ni gu va wudzisa.

Luka 2:49

Khavbo avbo, Jesu a di khuye: “Mu di nyi vbwetela ginani? Kha mu dziti nya gukhenu fanelo yangu khu gu khala nyumbani ga Babe wangu, gani?”