Dzindzimo 26:1 - Bhibhiliya Nya Guage

¹ Nyi lamule, Pfhumu Nungungulu, kholu nyi lulamide guvbanyani gwangu; nyi ngu tumba Pfhumu Nungungulu nyamba kanakana.

Dzindzimo 26:1 Iomraidhean Croise

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

Joba 2:3

Pfhumu Nungungulu a di mu wudzisa, khuye: “Ina u di nga wona githumi gyangu Joba, gani? Kholu mwalo muthu mafuni momu a lulamidego ni gutumbega, a thavago Nungungulu ni gu nyenya guvivba, gufanana naye, kala nolu a nga tiyide gululamani, ambari olu u nyi kutsedzedego gu mu dusela silo saye satshavbo nari mwalo nandru.”

Joba 4:6

Ina khandri githawo u ningago Nungungulu gi gu ningago gitumbo, gani? Ni mithumo yago nya gululame, yi gu ningago gutumba, gani?

Dzindzimo 121:3

Kha na gu diga u kwiriga, oyu a gu sayisago gima kha na lala.

Dzindzimo 15:2

Khoyu basi a gu na ni mavbanyelo nya gululame, a vbanyago khu ndruda, a ganelago lisine monyoni gwaye;

Dzindzimo 21:7

Mufumeli a ngu tumba Pfhumu Nungungulu, khu lihaladzo la oyu a khugegidego ngudzu gima kha na kanakana.

Dzindzimo 25:2

Nungungulu wangu, eni nya gu tumba uwe, nyi nga khali dzitshoni, valala vangu va nga nyi pali.

Dzindzimo 25:21

Lisine ni gululama si na nyi sayise; kholu eni nya gu tumba uwe Pfhumu Nungungulu.

Dzindzimo 26:11

Gasi eni, nyi lulamide guvbanyani gwangu, nyi tshule, nyi pwele wuhindzi.

Dzindzimo 28:7

Pfhumu Nungungulu tshivba ni gitshangu gyangu, monyo wangu wa gu tumba uye; nyi phasidwe, givili gyangu gi ngu thungedzela, nyi ngu bonga khu monyo wangu watshavbo.

Dzindzimo 31:14

Aholu, eni nya gu tumba uwe Pfhumu Nungungulu, nyari, kheni: Uwe khuwe Nungungulu wangu.

Dzindzimo 35:24

Nyi lamule khu nayo, wago Pfhumu Nungungulu, u nga va dzumedzisi va ghiya avbo gwangu.

Dzindzimo 37:31

Monyoni gwaye a na ni nayo wa Nungungulu waye; migondro yaye kha yi na dhedhereka.

Dzindzimo 4:5

Ningelani miphaso nya gululame, mu tumba Pfhumu Nungungulu.

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 54:1

Nungungulu, nyi vbulugise, khu lina lago, nyi lamule khu tshivba yago.

Dzindzimo 62:2

Khuye basi a nyi vbanyisago ni gu nyi vhikela, kha nyi na padwa kholu khuye wuthavelo wangu.

Dzindzimo 62:6

Khuye basi a nyi vbanyisago ni gu nyi vhikela, kha nyi na padwa kholu khuye wuthavelo wangu.

Dzindzimo 7:8

Pfhumu Nungungulu a na lamula mayigo; nyi lamule Pfhumu Nungungulu, gukhedza khu fanelo yangu, kholu eni nyi muthu nya gululame, nyi mwalo nandru.

Dzindzimo 94:18

Avbo nyi gukheni: “Migondro yangu yi ngu kwiriga wuhindzi wago Pfhumu Nungungulu, wu ngu ta nyi seketela.”

Mavingu 20:7

Muthu nya wadi a gu gimbila gululamani gwaye, si kategide sanana si na mu landrelago.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Vahebheru 10:23

Hi na sayise gwadi gutumba nya gukhodwe hi nga sambanyago, kholu hi ngu tumba gukhethu Nungungulu a na tadzisa sisambanyo a giridego.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

2 Pedro 1:10

Khu guralo, vandriyangu, zamani, mu simama gutiya guranwani gwanu, ni guhathwani gwanu. Mwa gu girani kharato, gima kha mu na tshunganiswa mu thega.

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”