Dzindzimo 25:4 - Bhibhiliya Nya Guage

⁴ Nyi nonedze dzindzila dzago Pfhumu Nungungulu, nyi hevbudze dzindzila dzago.

Dzindzimo 25:4 Iomraidhean Croise

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

Dzindzimo 119:27

Nyi phase gupwisisa milayo yago, gasi nyi kodza gu alakanyela mithumo yago nya gusamadzise.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 27:11

Nyi hevbudze ndzila yago Pfhumu Nungungulu, nyi gimbidzise khu ndzila nya gululame khu kotani nya talo ya valala vangu;

Dzindzimo 5:1

Pfhumu Nungungulu, yingisa magana yangu, upwa nombelo wangu.

Dzindzimo 5:8

Pfhumu Nungungulu, nyi gimbidzise khu gululama gwago, khu kotani ya valala va nyi holelelago; lulamisa ndzila yago mbeli gwangu!

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Ekisodha 33:13

Khu guralo, olu, a gu bani ari lisine gukhuwe nyi mane wuhigo mahoni gwago, nyi ngu lomba u nyi embela gikhungo gyago, nyifela gu guti gasi nyi kodza gu gu nengedzisa. Pima gukhuwe vathu vava litigo lago.”

Mavingu 8:20

Nya gu gimbila khu ndzila nya gululame, vbakari nya wulamuli wu lulamidego.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”