Dzindzimo 25:2 - Bhibhiliya Nya Guage

² Nungungulu wangu, eni nya gu tumba uwe, nyi nga khali dzitshoni, valala vangu va nga nyi pali.

Dzindzimo 25:2 Iomraidhean Croise

2 Dzikoronika 13:18

Khu gikhati gyogyo va na Israyeli va di mbembiswa havo bhi. Va na Judha va di simama, kholu va di gu tumba Nungungulu, wa vababe vawe.

Dzindzimo 13:5

Eni nyi tumbide wuhigo wago; monyo wangu wu na nengela, kholu u na nyi vbanyisa.

Dzindzimo 142:6

Yingisa gulila gwangu, nyi mwalo gambe tshivba; nyi vbulugise ga avo va nyi tshanisago, kholu va ngu nyi pala khu tshivba.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 22:1

Nungungulu wangu, Nungungulu wangu, khu ginani u nyi digidego? Ambari nyi wombago dzihuwa, nombelo wangu kha wu vbohi gwago.

Dzindzimo 22:5

va di lila gwago, va tshulega, va di tumba uwe, gima kha va dzi laya.

Dzindzimo 22:8

“Tumbide Pfhumu Nungungulu, a na vbanyiswe khuye; a na mu vbanyise a gu bani a mu haladza.”

Dzindzimo 31:1

Pfhumu Nungungulu, eni nyi nguta sihala avbo gwago; nyi nga khali dzitshoni; nyi vbulugise, khu gululama gwago nyi tshule.

Dzindzimo 31:15

Matshigu yangu momo mandzani gwago; nyi tshule mandzani ya valala ni vatshanisi vangu.

Dzindzimo 31:2

Neredza dzindzeve dzago eno gwangu, u nyi vbanyisa khu guvbiredza; khala giwindri nya wuthavelo wangu, likhokhola nya gu nyi vbanyise.

Dzindzimo 34:8

Lingani mupwa edzi Pfhumu Nungungulu a gu wadi khidzo; kategide wule a thavelago avbo gwaye.

Dzindzimo 37:40

Pfhumu Nungungulu a ngu va phasa a va vbanyisa, a na va vbulugisa ga va nya guvivba, a va vbanyisa kholu va thavede gwaye.

Dzindzimo 41:11

Kharati nyi na dziti nya gukheni u ngu tsaka khu eni; nala wangu a gumba ghiya kheni.

Dzindzimo 56:1

Nyi pwele wusiwana Nungungulu wangu, kholu vathu va ngu vbweta gu nyi bayisa; va gu nyi tshanisa ni gu nyi dwanisa litshigu latshavbo.

Dzindzimo 7:1

Pfhumu Nungungulu wangu, eni nyi ngu thavela avbo gwago! Nyi vbulugise ga valala vangu vatshavbo! Nyi vbanyise!

Dzindzimo 71:1

Nyi ngu thavela avbo gwago, Pfhumu Nungungulu; u nga nyi digi nyi thedwa dzitshoni.

Dzindzimo 91:2

a na rungudza Pfhumu Nungungulu, khuye: Uwe Nungungulu wangu, u wuthavelo wangu, u likhokhola langu, U Nungungulu wangu nya gu gutumbe.

Dzindzimo 94:3

Kala lini Pfhumu Nungungulu va na tsakago va nya guvivba? Va na ghiya kala lini va nya guvivba?

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Isaya 37:10

Mu na ya ganela kharati ga Ezekhiya, mufumeli wa Judha, khenu: U nga sengwi khu Nungungulu wago, uye u mu tumbago, u ganela khuwe lidhoropa la Jerusalema kha li na ningedwa mandzani ga mufumeli wa Asiriya.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Isaya 37:35

Kholu Eni nyi na vhikela lidhoropa leli, gasi gu li vbulugisa, khu kotani nya lina langu, ni lihaladzo nyi gu nalo khu githumi gyangu Dhavhidhe.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Jeremiya 17:18

Va na tale khu dzitshoni vale va nyi tshanisago, aholu eni nyi nga thegi dzitshonini; va na ndrendremele avo, nasiri eni; va na thegedwe khu libango nya wuvi, u va sasela khu dzimhango nya guwuyelele.

Varoma 10:11

Kholu Milowo nya Guage yi ngu hi embela gukhiyo: “Wule a khodwago gwaye gima kha na nga thedwa dzitshoni.”

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.

1 Pedro 2:6

Kholu, isoso somo ga Milowo nya Guage yi ganelago, khiyo: “Eni nyi hathide giwindri nya lisima ngudzu; nyi gi vega Siyoni kha nga giwindri nya gikoli nya nyumba; aholu, wule a khodwago ga egi giwindri gima kha na khala dzitshoni.”