Dzindzimo 24:4 - Bhibhiliya Nya Guage

⁴ Khu uye a gu ni mandza ma lulamidego a gu ni monyo wu agidego, a si tumbigo vanungungulu nya malipha, a si sambanyigo malipha.

Dzindzimo 24:4 Iomraidhean Croise

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Joba 9:30

Ambari nya gu hamba khu mati nya thondrwane, nyi hamba mandza yangu ma aga khu sabawu,

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 15:4

wule a nyenyago va nya guvivba, a rungudzago avo va ningago githawo Pfhumu Nungungulu; oyu a si bweleligo hwane ga gisambanyo gyaye; ambari na gu wona gukhuye gu na gira mhango.

Dzindzimo 18:20

Pfhumu Nungungulu a di nyi phara gukhedza khu gululama gwangu, a nyi tshatshazela, kholu mandzani gwangu gu mwalo nandru.

Dzindzimo 25:1

Ga uwe Pfhumu Nungungulu, nyi ngu khusedza hefemulo wangu.

Dzindzimo 26:6

Nyi ngu hamba mandza yangu na nyi agide monyo, gasi nyi hidzimela vbagiluvelotunu gwago Pfhumu Nungungulu,

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Dzindzimo 51:12

Nyi wuyisele nyaluphye gutsaka khu guvbanyisa gwago li na nyi tiyise liphuvbo nya wuhindzi.

Dzindzimo 73:1

Khu lisine, Nungungulu khwadi ga vathu va Israyeli, ga vale va agidego myonyo.

Mavingu 20:9

Khu mani a kodzago gu ganela, khuye: “Monyo wangu wu agide, sighoho sangu si handzidwe?”

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Ezekiyeli 18:15

gi si hodzeli musigomoni ambari gu khusedza maho gi khedza sifananiso sa va na Israyeli. Gi si nyenyezisi mwangadzi wa muakelane waye,

Ezekiyeli 18:6

a si hodzeligo malangani nya miphaso ya sigomoni, ambari gu khusa maho yaye a khedza sifananiso sa va na Israyeli. Kha nyenyezisi mwangadzi wa muakelane waye, ambari gu bhaya ni nyamayi a guromo gikhatini nya guwone matshigu yaye nya ngima.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 5:8

Va kategide va nya myonyo nya yadi, kholu va na wona Nungungulu.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Mithumo 15:9

Kha vega guhambana ga ethu ni avo, aholu a di agisa myonyo yawe khu gukhodwa.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.