Dzindzimo 24:3 - Bhibhiliya Nya Guage

³ Khu mani a dzi kodzago gu gwela gigomoni gya Pfhumu Nungungulu? Khu mani a dzi kodzago gu khala wulangani gwaye nya guage?

Dzindzimo 24:3 Iomraidhean Croise

1 Dzikoronika 15:1

Dhavhidhe a di dzi girela dzinyumba Dhoropani ga Dhavhidhe; a dongisela tshatsha nya guvege umo Ngasa nya Gidzumeledzwano gya Nungungulu.

Dzindzimo 15:1

Pfhumu Nungungulu, khu mani a yelago gu bela nyumbani gwago? Khu mani a dzi kodzago gu vbanya gigomoni gwago nya guage?

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 65:4

Kategide muthu u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Ezekiyeli 44:5

Pfhumu Nungungulu a di nyi embela, khuye: “Mwamana wa muthu, tula maho yago, u yingisa khu dzindzeve dzago ni githawo satshavbo nyi vbwetago gu gu embela khu sileletelo mayelano khu Nyumba ya Pfhumu Nungungulu.Tula ndzeve uti gwadi mabelelo muni u yelago gubela khayo Nyumbani ga Nungungulu ni madugelo yakone u yelago gu duga khayo khu Wulangani nya Guage.

Ezekiyeli 44:9

Mune Pfhumu Nungungulu, a ngu ganela kharati, khuye: Ni moyo muluveli, nyamba hana wugwera, ni gumba khathala khu Eni, a nga beli Wulangani gwangu nya Guage, ambari ni valuveli vatshavbo va vbanyago vbakari ga va na Israyeli.”

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Johane 13:36

Simoni Pedro a di mu wudzisa, khuye: “Wa guvbweta gu hongola hayi, Pfhumu?” Jesu a di mu hakha, khuye: “Iyo nyi vbwetago guya, khu dzi kodzi gu nyi landra nugunugu; u na nyi landra gwadi.”

Johane 20:17

Jesu a di mu embela, khuye: “U nga nyi hungateli, kholu nyi si gu liti ga Babe wangu. Aholu, uwe indra embela vandriyangu khuwe nyi ngu hadza gu lita ga Babe wangu, a gu Babe wanu nenu; ga Nungungulu wangu, a gu Nungungulu wanu nenu.”

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.