Dzindzimo 24:10 - Bhibhiliya Nya Guage

¹⁰ Khu mani Mufumeli yoyo nya Wudhumo? Khu Pfhumu Nungungulu nya Tshivba Yatshavbo. Khuye a gu Mufumeli nya Wudhumo.

Dzindzimo 24:10 Iomraidhean Croise

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Luka 9:26

Kholu, uye a na khalago dzitshoni khu kotani yangu mwendro khu kotani nya mahungu yangu, Mwamana wa Muthu a na mu khalela nuye dzitshoni litshigu a na tago na tade khu gidhumo gyaye ni gya Babe, nigyo nya sihathwa nya guage ni dzingilozi!

Johane 12:40

“A di va sega maho, a gu bangisa myonyo yawe, gasi va si woni khu maho, ni gumba pima khu myonyo yawe, gufela gu va si vbindrugedzi mavbanyelo, nyi va vbanyisa.”

Johane 14:9

Jesu a di khuye: “Gale na nyiri nanu, gasi ni olu u si gu nyiti, Filipi? Uye a nyi wonago, a ngu wona Babe. Khu ginani u gukhuwe: ‘Hi yeyedze Babe?’

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.